જૂનાગઢ 4 સપ્ટેમ્બર (હિ.સ.)

પ્રાથમિક આરોગ્ય કેન્દ્ર મજેવડી અંતર્ગતના મજેવડી, ગોલાધર, વધાવી અને પત્રાપસર ગામે કાર્યક્રમોનું આયોજન કરાયું

જૂનાગઢ તા.૦૪, જૂનાગઢ તાલુકામાં આવેલ પ્રાથમિક આરોગ્ય કેન્દ્ર મજેવડી અંતર્ગત મજેવડી, ગોલાધર, વધાવી અને પત્રાપસર ગામ ખાતે ધારાસભ્ય સંજયભાઈ કોરડીયાના માર્ગદર્શન હેઠળ આયુષ્માન ભારત વયવંદના (PMJAY) ના કાર્ડ કાઢવાના વિવિધ કેમ્પ યોજાયા હતા.

ધારાસભ્યની પ્રેરક ઉપસ્થિતિમાં પ્રાથમિક આરોગ્ય કેન્દ્ર મજેવડી ખાતે કેમ્પનું ઉદ્ઘાટન કરવામાં આવ્યું હતું. જેમાં બહોળી સંખ્યામાં વરિષ્ઠ નાગરિકોએ લાભ લીધો હતો અને બાકી રહેલા લાભાર્થીઓના કાર્ડ સ્થળ પર જ કાઢવામાં આવ્યા હતા. આ તકે જિલ્લા કક્ષાએથી ક્વોલિટી મેડિકલ ઓફિસરઅને ગામના અગ્રણીઓ હાજર રહ્યા હતા.

સમગ્ર સમારોહને સફળ બનાવવા માટે તાલુકા આરોગ્ય અધિકારી જૂનાગઢ, પ્રાથમિક આરોગ્ય કેન્દ્ર મજેવડીના મેડિકલ ઓફિસર, સુપરવાઈઝરશ્રી, આરોગ્ય કર્મચારઓ અને આશા બહેનો દ્વારા જહેમત ઉઠાવવામાં આવી હતી. તેમ તાલુકા આરોગ્ય અધિકારી ડો.જી.કે.ચાવડા, જૂનાગઢની યાદીમાં જણાવવામાં આવ્યું છે.

---------------

હિન્દુસ્થાન સમાચાર / ભરતસિંહ જાદવ