પોરબંદર, 5 સપ્ટેમ્બર (હિ.સ.): પોરબંદરના વી.જે.મદ્રેસા સંકુલમાં ઈદે મિલાદ નિમિત્તે વિશિષ્ટ કાર્યક્રમ યોજાયો હતો. પોરબંદરની વી.જે. મદ્રેસા સંકુલમાં 1500 માં ઈદે મિલાદ નિમિત્તે વિશિષ્ટ કાર્યક્રમ પ્રતિવર્ષ મુજબ આ વર્ષે પણ યોજાયો હતો.જેમાં 27 વિદ્યાર્થીઓએ ભાગ લીધો હતો. અને નાઅતશરીફ મનકબત-તકરીર રજુ કરી હતી.આ કાર્યક્રમમાં હાફિઝકારી મોઅઝઝમ સાહેબ અને મોલાના હાફિઝ ઉસ્માનગની કાદરી સાહેબ ખાસ ઉપસ્થિત રહ્યા હતા, વિદ્યાર્થીઓ એ તેમની અનોખી શૈલીમાં ઉદબોધન કરી માર્ગદર્શન આપ્યુ હતુ.આ કાર્યક્રમમાં મોલાના હાફિઝ ઉસ્માનગની કાદરી, નાતખવા આબીદખાન સુલતાની, મોલાના હામિદરઝા, રફીકભાઈ મચ્છર (પુર્વ શિક્ષક બાલુબા વિધાલય) એ જજ તરીકે સેવા આપી હતી.કાર્યક્રમમાં ભાગ લેનાર વિદ્યાર્થીઓને વી.જે. મદ્રેસાના ઓન. સેક્રેટરી ફારૂકભાઈ સુર્યા તેમજ પ્રિન્સિપાલ ઈસ્માઈલ મુલતાની, આકીબ હમદાણી, હનીફભાઇ નવરંગ તેમજ ઉપસ્થિત આગેવાનોના હસ્તે ઈનામ આપી પ્રોત્સાહિત કરવામાં આવ્યા હતા.

આ કાર્યક્રમમાં ઈંગ્લીશ મીડીયમમાં નાત શરીફમાં પ્રથમ ગીગાણી અબ્દુલકાદિર અબ્દુલસમદ, બીજા નંબરે વેરનીયા હસન શકીલ,ત્રીજા નંબરે માંઢાઇ મોહમ્મદહસન નૂરમોહમ્મદ, ગુજરાતી મીડીયમ નાત શરીફમાં પ્રથમ દુફાની અહેમદરઝા મુહંમદ, બીજા નંબરે શેઠા જુનૈદ નાસીરભાઈ, ત્રીજા નંબરે શેરવાની યાસીન પરવેઝ, તકરીર પ્રથમ (ઈંગ્લીશ મીડીયમ) બાબી મોહમદતલ્હા યુસુફ, પ્રથમ (ગુજરાતી મીડીયમ) કુરેશી અબ્દુલમુત્તલિબ મુહંમદઅકરમે હાંસલ કર્યો હતો.

---------------

હિન્દુસ્થાન સમાચાર / Tejas Pravinbhai Dholariya