મહેસાણા,19 જાન્યુઆરી (હિ.સ.) મહેસાણા સ્થિત પોલીસ અધિક્ષકની કચેરી ખાતે આયોજિત મહત્વપૂર્ણ સંકલન બેઠકમાં પદાધિકારીઓ સાથે ઉપસ્થિત રહી પોલીસ વિભાગના અધિકારીઓ સાથે પ્રજાની સુરક્ષા અને સલામતી સંબંધિત વિવિધ મુદ્દાઓ પર વિસ્તૃત ચર્ચા કરવામાં આવી. આ બેઠકનો મુખ્ય હેતુ જિલ્લામાં કાયદો અને વ્યવસ્થા વધુ મજબૂત બને તેમજ નાગરિકોને સુરક્ષિત વાતાવરણ મળી રહે તે રહ્યો હતો.

બેઠક દરમિયાન શહેર અને ગ્રામ્ય વિસ્તારોમાં ગુનાખોરી અટકાવવાના પગલાં, ટ્રાફિક વ્યવસ્થાપન, મહિલાઓ અને બાળકોની સુરક્ષા, રાત્રિ પેટ્રોલિંગ, તેમજ તહેવારો અને જાહેર કાર્યક્રમો દરમિયાન સુરક્ષા વ્યવસ્થાની તૈયારીઓ અંગે ચર્ચા કરવામાં આવી. ઉપરાંત સાયબર ગુનાઓ, નશીલા પદાર્થોની હેરાફેરી અને અસામાજિક તત્વો પર નિયંત્રણ માટે વધુ અસરકારક કાર્યવાહી અંગે પણ સૂચનો કરવામાં આવ્યા.

પદાધિકારીઓએ પોલીસ અધિકારીઓને પ્રજાની ફરિયાદો પ્રત્યે સંવેદનશીલ રહેવા અને સમયસર નિવારણ લાવવા પર ભાર મૂક્યો. સ્થાનિક સ્તરે સંકલન વધારવાથી વિશ્વાસ અને સહકાર મજબૂત બનશે તેમ પણ જણાવ્યું.

પોલીસ વિભાગના અધિકારીઓએ જિલ્લામાં ચાલી રહેલી સુરક્ષા વ્યવસ્થાની માહિતી આપી અને આગામી દિવસોમાં વધુ સઘન કામગીરી હાથ ધરવાની ખાતરી આપી. આ સંકલન બેઠકથી પોલીસ અને વહીવટીતંત્ર વચ્ચે સહકાર વધશે અને મહેસાણા જિલ્લામાં શાંતિ, સલામતી અને કાયદો-વ્યવસ્થા વધુ સશક્ત બનશે તેવી આશા વ્યક્ત કરવામાં આવી.

હિન્દુસ્થાન સમાચાર / RINKU AMITKUMAR THAKOR