ભાવનગર, 05 ઓક્ટોબર (હિ.સ.) : ભાવનગર ખાતે ‘સમસ્ત ગુર્જર પ્રજાપતિ જ્ઞાતિ મંડળ’ દ્વારા શૈક્ષણિક કાર્યક્રમનું આયોજન કરવામાં આવ્યું હતું. કાર્યક્રમમાં મંત્રી જીતુભાઈ વાઘાણી ઉપસ્થિત રહ્યા હતા. તેમણે વિદ્યાર્થીઓ સાથે સંવાદ કરી શિક્ષણના મહત્વ અંગે માર્ગદર્શન આપ્યું હતું.

કાર્યક્રમ દરમિયાન વિદ્યાર્થીઓએ શિક્ષણ ક્ષેત્રે પોતાની પ્રગતિ, અભ્યાસ સાથે જોડાયેલા અનુભવો અને ભવિષ્યના લક્ષ્યો અંગે વાતચીત કરી હતી. જીતુભાઈ વાઘાણીએ વિદ્યાર્થીઓને અભ્યાસમાં સતત મહેનત કરવા, નવી બાબતો શીખવાની જિજ્ઞાસા જાળવી રાખવા અને સમયનો યોગ્ય ઉપયોગ કરવા પ્રેરણા આપી હતી. શિક્ષણ વ્યક્તિના જીવનમાં જ્ઞાન અને આત્મવિશ્વાસ વધારવાનું મહત્વનું સાધન છે. શિક્ષિત યુવાનો પોતાના પરિવાર અને સમાજના વિકાસમાં મહત્વપૂર્ણ ભૂમિકા ભજવી શકે છે. આજના સમયમાં શિક્ષણ સાથે કૌશલ્ય વિકાસ અને ટેકનોલોજીનું જ્ઞાન પણ જરૂરી બની રહ્યું છે. વિદ્યાર્થીઓએ બદલાતા સમય સાથે પોતાની ક્ષમતાઓ વિકસાવી આગળ વધવું જોઈએ.

કાર્યક્રમમાં સમાજના યુવાનો અને વિદ્યાર્થીઓને શિક્ષણ ક્ષેત્રે વધુ પ્રગતિ કરવા માટે પ્રોત્સાહિત કરવામાં આવ્યા હતા.

વિદ્યાર્થીઓમાં અભ્યાસ પ્રત્યે જાગૃતિ અને ઉચ્ચ શિક્ષણ તરફની રુચિ વધે તે માટે વિવિધ મુદ્દાઓ પર ચર્ચા કરવામાં આવી હતી.

---------------

હિન્દુસ્થાન સમાચાર / DISHANT NANDRAMBHAI GONADLIYA