નવી દિલ્હી, 06 નવેમ્બર (હિ.સ.). ભારતીય યુવા કોંગ્રેસે અગ્નિપથ યોજનામાં તાજેતરના ફેરફારો અંગે જણાવ્યું કે, અગ્નિવીરોની સેવા અવધિ ચારથી વધારીને છ વર્ષ કરવાની અને નિયમિત ભરતીનો માર્ગ ખોલવાની જાહેરાતે મૂળ યોજનાની ખામીઓને ઉજાગર કરી દીધી છે. યુવા કોંગ્રેસે માંગ કરી કે, સરકાર આંશિક સંશોધનોને બદલે યોજનાને સંપૂર્ણપણે પાછી ખેંચી લે અને સેનામાં કાયમી ભરતી વ્યવસ્થા પુનઃસ્થાપિત કરે.

ભારતીય યુવા કોંગ્રેસના રાષ્ટ્રીય અધ્યક્ષ ઉદય ભાનુ ચિબે શુક્રવારે એક નિવેદનમાં જણાવ્યું કે, દેશના યુવાનોને કાયમી રોજગાર, સન્માન અને સુરક્ષા જોઈએ છે, ન કે તેમના ભવિષ્ય સાથે પ્રયોગ. તેમણે કહ્યું કે, સૈન્ય ભરતીની તૈયારી કરી રહેલા યુવાનોએ વર્ષો સુધી સંઘર્ષ કર્યો અને ન્યાયની માંગ ઉઠાવી, પરંતુ સરકાર પોતાની જીદ પર અડી રહી. હવે અગ્નિવીરોના પહેલા બેચનો કાર્યકાળ સમાપ્ત થવાને આરે છે, આવા સમયે, જાહેર કરાયેલા ફેરફારો તેમના ભવિષ્યને લઈને નવા પ્રશ્નો ઊભા કરે છે.

ચિબે કહ્યું કે, દેશની સેવા માટે પોતાના જીવનના મહત્વપૂર્ણ વર્ષો સમર્પિત કરનારા યુવાનોને ભવિષ્યની નિશ્ચિતતા, સન્માન અને નિયમિત સૈનિકો સમાન સેવા લાભ મળવા જોઈએ. યુવા કોંગ્રેસ તેમનો અવાજ અનસુણ્યો થવા દેશે નહીં.

સંગઠને કહ્યું કે, રાષ્ટ્રીય સુરક્ષા અને સશસ્ત્ર દળોની મજબૂતી માટે કાયમી, પારદર્શક અને મજબૂત ભરતી વ્યવસ્થા જરૂરી છે. એવી વ્યવસ્થા હોવી જોઈએ, જેમાં સૈનિકોની ગરિમા અને સન્માનની સાથે યુવાનોના કારકિર્દીની સુરક્ષા પણ સુનિશ્ચિત થાય તથા સેનાનો સંસ્થાકીય અનુભવ અને સંચાલન ક્ષમતા જળવાઈ રહે.

હિન્દુસ્થાન સમાચાર / માધવી ત્રિપાઠી / પવન કુમાર

હિન્દુસ્થાન સમાચાર / ડો.હિતેશ એન.વ્યાસ