નવી દિલ્હી, 21 ફેબ્રુઆરી (હિ.સ.). ઇલેક્ટ્રોનિક્સ અને આઈટી મંત્રી અશ્વિની વૈષ્ણવે, દિલ્હીમાં એઆઈ સમિટ દરમિયાન ભારતીય યુવા કોંગ્રેસના કાર્યકરો દ્વારા કરવામાં આવેલા વિરોધને શરમજનક ગણાવ્યો છે.

વૈષ્ણવે શનિવારે મીડિયાને જણાવ્યું હતું કે, ગઈકાલે (શુક્રવારે) કાર્યક્રમ દરમિયાન યુવા કોંગ્રેસના કાર્યકરો દ્વારા કરવામાં આવેલ વિરોધ શરમજનક હતો. તે દુર્ભાગ્યપૂર્ણ છે કે જ્યારે સમગ્ર વિશ્વ ભારતની પ્રગતિ અને ટેકનોલોજીમાં વિશ્વાસ વ્યક્ત કરી રહ્યું છે, ત્યારે દેશની છબી ખરડાઈ રહી છે. તેમની (કોંગ્રેસ) રાજનીતિ યુવા વિરોધી છે અને તેઓ દેશમાં આવી રહેલી નવી ટેકનોલોજી અને પહેલને અવરોધી રહી છે.

ઉલ્લેખનીય છે કે, એઆઈ સમિટ દરમિયાન, ભારતીય યુવા કોંગ્રેસના કાર્યકરોએ કેન્દ્ર સરકાર સામે વિરોધ પ્રદર્શન કર્યું હતું. કાર્યકરોએ તેમના ટી-શર્ટ ઉતાર્યા હતા અને વડા પ્રધાન નરેન્દ્ર મોદી વિરુદ્ધ સૂત્રોચ્ચાર કર્યા હતા. બાદમાં, કોંગ્રેસના કાર્યકરોની અટકાયત કરવામાં આવી હતી.

હિન્દુસ્થાન સમાચાર / શ્રદ્ધા દ્વિવેદી / પવન કુમાર

હિન્દુસ્થાન સમાચાર / ડો.હિતેશ એન.વ્યાસ