દહેરાદૂન, નવી દિલ્હી, 22 ફેબ્રુઆરી (હિ.સ.): રાષ્ટ્રીય સ્વયંસેવક સંઘ (આરએસએસ) સરસંઘચાલક ડૉ. મોહનરાવ ભાગવત, રવિવારે દહેરાદૂનમાં એક મોટી જન સભામાં સંવાદ કરશે. સમાજના વિવિધ ક્ષેત્રોમાં સક્રિય અને નેતૃત્વની ભૂમિકા ભજવતા વ્યક્તિઓને આ કાર્યક્રમમાં આમંત્રણ આપવામાં આવ્યું છે.

આ સેમિનાર ઉત્તરાખંડની રાજધાનીમાં આરએસએસની શતાબ્દી નિમિત્તે દેશભરમાં આયોજિત કાર્યક્રમોની શ્રેણીના ભાગ રૂપે યોજાઈ રહ્યો છે. નિર્ધારિત સમયપત્રક મુજબ, આ કાર્યક્રમ આજે બપોરે 2 થી સાંજે 6 વાગ્યા સુધી હિમાલયન કલ્ચરલ સેન્ટર ઓડિટોરિયમ, ગઢી કેન્ટ, દહેરાદૂનમાં યોજાશે. મુખ્ય વક્તા તરીકે સરસંઘચાલક ડૉ. ભાગવત, દેશની વર્તમાન પરિસ્થિતિ, સામાજિક સંવાદિતા, રાષ્ટ્રનિર્માણ અને સંગઠનની ભૂમિકા જેવા વિષયો પર પોતાના વિચારો રજૂ કરશે.

આરએસએસના પ્રાંતીય વડા સંઘચાલક દિનેશ સેમવાલે માહિતી આપી હતી કે, શતાબ્દી નિમિત્તે દેશભરમાં સંવાદ કાર્યક્રમોનું આયોજન કરવામાં આવી રહ્યું છે. તેમણે જણાવ્યું હતું કે, દેહરાદૂનનો આ સેમિનાર એ જ રાષ્ટ્રીય અભિયાનનો એક ભાગ છે, જેનો ઉદ્દેશ્ય સામાજિક જીવનના વિવિધ પાસાઓમાં સંકલન અને સંવાદને મજબૂત બનાવવાનો છે.

સંઘના વડા, રવિવારે રાત્રે 15 તિલક રોડ ખાતે પ્રાંતીય કાર્યાલય પહોંચ્યા. 23 ફેબ્રુઆરીની સવારે, તેઓ તિલક રોડ પરની શાખામાં સ્વયંસેવકોને પોતાનો પરિચય કરાવશે. ત્યારબાદ, મહાનગર કારોબારીની બેઠકમાં સંગઠનાત્મક પ્રવૃત્તિઓ, વિસ્તરણ યોજનાઓ અને આગામી કાર્યક્રમોની ચર્ચા કરવામાં આવશે. તે જ દિવસે ઉત્તરાખંડના નિવૃત્ત સૈનિકો સાથે એક ખાસ સંવાદ કાર્યક્રમ પણ યોજાવાનો છે. નિર્ધારિત કાર્યક્રમો પછી, તેઓ 23 ફેબ્રુઆરીની સાંજે દેહરાદૂનથી રવાના થશે.

હિન્દુસ્થાન સમાચાર / રાજેશ કુમાર પાંડે / મુકુંદ

હિન્દુસ્થાન સમાચાર / માધવી વ્યાસ