હૈલાકાંડી (આસામ), નવી દિલ્હી,23 ફેબ્રુઆરી

(હિ.સ.) આસામમાં ચાલી રહેલા ડ્રગ વિરોધી અભિયાનના ભાગ રૂપે, હૈલાકાંદી પોલીસે

સોમવારે મોટી સફળતા મેળવી,

આશરે 5 કરોડ રૂપિયાની

યાબા ટેબ્લેટ્સ જપ્ત કરી અને બે કથિત દાણચોરોની ધરપકડ કરી.

ચોક્કસ ગુપ્ત માહિતીના આધારે, પોલીસ ટીમે જિલ્લાના બોઆલગઢ ફર્સ્ટ બ્લોક

વિસ્તારમાં, એક ખાસ કાર્યવાહી હાથ ધરી. આ કામગીરી દરમિયાન, એમઝેડ-01આર-6434 નંબરનું એક

શંકાસ્પદ મહિન્દ્રા ટીયુવીવાહન રોકવામાં આવ્યું.

વાહનની સઘન તપાસ કરતાં, પોલીસે પ્રતિબંધિત માદક દ્રવ્ય છુપાવતું એક ખાસ રચાયેલ

ગુપ્ત ચેમ્બર શોધી કાઢ્યું. આ ગુપ્ત ચેમ્બરમાંથી, પોલીસે કુલ 1.21 લાખ યાબા ટેબ્લેટ્સ જપ્ત કરી, જે 12 અલગ-અલગ

પેકેટમાં પેક કરવામાં આવી હતી.

સૂત્રોના જણાવ્યા અનુસાર,’જપ્ત કરાયેલી માદક દ્રવ્ય ગોળીઓની અંદાજિત બજાર કિંમત આશરે 5 કરોડ રૂપિયા

હોવાનો અંદાજ છે. આ વર્ષે જિલ્લામાં આ સૌથી મોટી જપ્તીમાંની એક માનવામાં આવે છે.’

આ કેસમાં પોલીસે સ્થળ પરથી બે વ્યક્તિઓ, મિસ માર્ચી પિલ્લઈ

અને થોંગજાગીન હાઓકિપની ધરપકડ કરી હતી. બંને હાલમાં પોલીસ કસ્ટડીમાં છે અને પૂછપરછ

કરવામાં આવી રહી છે. આ કન્સાઈનમેન્ટ કોઈ મોટા આંતરરાજ્ય કે આંતરરાષ્ટ્રીય દાણચોરી

નેટવર્ક સાથે જોડાયેલ છે કે, કેમ તેની પણ તપાસ કરવામાં આવી રહી છે.

હિન્દુસ્થાન સમાચાર / શ્રીપ્રકાશ / અમરેશ દ્વિવેદી

હિન્દુસ્થાન સમાચાર / માધવી વ્યાસ