ગાંધીનગર, 25 માર્ચ (હિ.સ.) ભારત સરકારના ગ્રામીણ વિકાસ મંત્રાલય અને 'MY Bharat'ના સંયુક્ત ઉપક્રમે દેશવ્યાપી ડિજિટલ અભિયાન યુવા શક્તિ, પંચાયતની પ્રગતિ: ‘વીબી-જી રામ જી યુથ ડિજિટલ કેમ્પેન' હાલ સમગ્ર દેશમાં વેગ પકડી રહ્યું છે, ત્યારે યુવાનોનો ઉત્સાહ વધારવા અને મહત્તમ ભાગીદારી સુનિશ્ચિત થાય તે હેતુથી સમય મર્યાદામાં વધારો કરવામાં આવ્યો છે.

આ અભિયાન અંતર્ગત MyGov પોર્ટલ પર લોગો ડિઝાઇન સ્પર્ધા 4 એપ્રિલ,સુધી તેમજ My Bharat પોર્ટલ પર ‘60 સેકન્ડ ફોર માય વિલેજ’ રીલ્સ ચેલેન્જ 5 એપ્રિલ અને ઓનલાઇન ક્વિઝ સ્પર્ધા 7 એપ્રિલ, સુધી સમયમર્યાદા લંબાવવામાં આવી છે. આ સ્પર્ધાઓની સમયમર્યાદા અગાઉ અનુક્રમે 20,21 અને 23 માર્ચ, 2026 સુધીની નક્કી કરવામાં આવી હતી.

“વિકસિત ભારત-જી રામ જી – યુવા શક્તિ, પંચાયતની પ્રગતિ”ના સૂત્ર સાથે શરૂ કરાયેલા આ અભિયાનનો મુખ્ય ઉદ્દેશ્ય દેશના યુવાનોને ગ્રામીણ વિકાસ સાથે જોડી તેમને રાષ્ટ્રનિર્માણમાં સહભાગી બનાવવાનો છે. આ અભિયાન દ્વારા યુવાનો વડાપ્રધાન નરેન્દ્ર મોદીના 'વિકસિત ભારત @૨૦૪૭'ના વિઝનને સાકાર કરવા માટે ગ્રામીણ સ્તરે થઈ રહેલા પરિવર્તનને સમજે અને પોતાની ડિજિટલ કુશળતા દ્વારા તેને વ્યક્ત કરે તેવો પ્રયાસ છે.

લોગો ડિઝાઇન: વિકસિત ભારત-જી રામ જી એક્ટ,2025 ના મિશનને જીવંત કરતો લોગો બનાવવાની તક.

વીડિયો ચેલેન્જ: પોતાના ગામની પ્રગતિ અને સુંદરતાને 60 સેકન્ડની રીલ દ્વારા વિશ્વ સમક્ષ મૂકવાની તક.

ક્વિઝ: ગ્રામીણ કાયદાઓ અને વિકાસલક્ષી યોજનાઓ વિશે જ્ઞાન ચકાસવાની તક.

કેન્દ્રીય ગ્રામીણ વિકાસ મંત્રાલય દ્વારા તમામ ઉત્સાહી યુવાનો અને નાગરિકોને આ સોનેરી તકનો લાભ લેવા અનુરોધ કરવામાં આવ્યો છે.

હિન્દુસ્થાન સમાચાર / અભિષેક બારડ