પાટણ, 02 મે (હિ.સ.)ઓલ ઇન્ડિયા એન્ટી ટેરરિસ્ટ ફ્રન્ટના ચેરમેન બીટાસિંઘે પૂનમના દિવસે શંખેશ્વર જૈન તીર્થની મુલાકાત લીધી હતી. સવારે તેઓ પ્રવચન શ્રુતતીર્થ ખાતે પહોંચ્યા અને 10:30 વાગ્યે ભગવાન પાર્શ્વનાથ પ્રભુની ભક્તિભાવપૂર્વક પૂજા-અર્ચના કરી હતી.

સાંજે 5 વાગ્યે તેમણે પ્રવચન શ્રુતતીર્થ ખાતે બિરાજમાન જૈનાચાર્ય વિજય પુર્ણચંદ્રસૂરીશ્વરજી મહારાજા અને વિજય યુગચંદ્રસૂરીશ્વરજી મહારાજાના આશીર્વાદ લીધા અને ધર્મ માર્ગદર્શન મેળવ્યું. આ ધાર્મિક માર્ગદર્શન દ્વારા ભાઈઓ અને બહેનો ને જીવન જીવવાની સાચી રીત સમજાઈ હતી અને લોકો આ ધાર્મિક માર્ગદર્શન થી ધન્ય થયા હતા.

તેમની મુલાકાતને ધ્યાનમાં રાખીને શંખેશ્વર પોલીસ સ્ટેશન દ્વારા ચુસ્ત પોલીસ બંદોબસ્ત ગોઠવવામાં આવ્યો હતો, જેથી સમગ્ર કાર્યક્રમ શાંતિપૂર્ણ રીતે પૂર્ણ થયો હતો.

હિન્દુસ્થાન સમાચાર / હાર્દિક રાઠોડ