નવી દિલ્હી, 24 જુલાઈ (હિ.સ.). આંતરરાષ્ટ્રીય બજારમાં ક્રૂડ ઓઇલની કિંમતમાં આવેલા જોરદાર ઉછાળાને કારણે આજે ગ્લોબલ માર્કેટનો મૂડ બગડેલો જોવા મળી રહ્યો છે. દુનિયાભરના મોટાભાગના શેરબજારો આજે ઘટાડા સાથે કારોબાર કરી રહ્યા છે. અમેરિકી બજારમાં પાછલા સત્ર દરમિયાન સતત વેચવાલી જોવા મળી હતી. ડાઉ જોન્સ ફ્યુચર્સ પણ આજે નજીવા ઘટાડા સાથે કારોબાર કરતો જોવા મળી રહ્યો છે. યુરોપિયન બજારમાં પણ પાછલા સત્ર દરમિયાન નબળાઈનો માહોલ રહ્યો હતો. જ્યારે એશિયન બજારમાં આજે ચોતરફ વેચવાલી જોવા મળી રહી છે.

અમેરિકામાં મોંઘવારી વધવાના સંકેતો અને આંતરરાષ્ટ્રીય બજારમાં ક્રૂડ ઓઇલની કિંમતમાં આવેલા જોરદાર ઉછાળાને કારણે વોલ સ્ટ્રીટના સૂચકાંકો પાછલા સત્ર દરમિયાન ઘટાડા સાથે બંધ થયા. ડાઉ જોન્સ ઇન્ડસ્ટ્રિયલ એવરેજ 506.93 અંક એટલે કે 0.97 ટકા ગગડીને 51,711.65 અંકના સ્તરે આવી ગયો. આ જ રીતે એસ એન્ડ પી 500 ઇન્ડેક્સે 90.66 અંક એટલે કે 1.21 ટકા તૂટીને 7,408.30 અંકના સ્તરે પાછલા સત્રના કારોબારનો અંત કર્યો. આ ઉપરાંત નાસ્ડેક 553.21 અંક એટલે કે 2.15 ટકાની જોરદાર નબળાઈ સાથે 25,137.69 અંકના સ્તરે બંધ થયો. જ્યારે ડાઉ જોન્સ ફ્યુચર્સ આજે હાલમાં 0.01 ટકાના સાંકેતિક ઘટાડા સાથે 51,704.15 અંકના સ્તરે કારોબાર કરતો જોવા મળી રહ્યો છે.

યુરોપિયન બજારમાં પણ પાછલા સત્ર દરમિયાન સતત દબાણ રહ્યું. એફટીએસઇ ઇન્ડેક્સ 0.73 ટકા ઘટીને 10,639.17 અંકના સ્તરે બંધ થયો. આ જ રીતે સીએસી ઇન્ડેક્સે 138.80 અંક એટલે કે 1.67 ટકાની નબળાઈ સાથે 8,299.09 અંકના સ્તરે પાછલા સત્રના કારોબારનો અંત કર્યો. આ ઉપરાંત ડીએએક્સ ઇન્ડેક્સ 392.29 અંક એટલે કે 1.58 ટકાના ઘટાડા સાથે 24,763.12 અંકના સ્તરે બંધ થયો.

એશિયન બજારમાં આજે ચોતરફ દબાણ જોવા મળી રહ્યું છે. એશિયાના તમામ નવ બજારોમાં ઘટાડા સાથે કારોબાર થતો જોવા મળી રહ્યો છે. ગિફ્ટ નિફ્ટી 167 અંક એટલે કે 0.70 ટકાની નબળાઈ સાથે 23,695.50 અંકના સ્તરે કારોબાર કરી રહ્યો છે. આ જ રીતે સ્ટ્રેટ્સ ટાઇમ્સ ઇન્ડેક્સ 0.41 ટકાના ઘટાડા સાથે 5,558.92 અંકના સ્તરે પહોંચ્યો છે.

કોસ્પી ઇન્ડેક્સ આજે જબરદસ્ત દબાણમાં જોવા મળી રહ્યો છે. આ સૂચકાંક હાલમાં 404.22 અંક એટલે કે 5.70 ટકા ગગડીને 6,692.27 અંકના સ્તરે આવી ગયો છે. નિક્કેઇ ઇન્ડેક્સમાં પણ આજે જબરદસ્ત ઘટાડો જોવા મળી રહ્યો છે. હાલમાં આ સૂચકાંક 2,032.60 અંક એટલે કે 3.06 ટકા ઘટીને 64,390 અંકના સ્તર સુધી ગગડી ગયો છે. તાઇવાન વેઇટેડ ઇન્ડેક્સમાં પણ આજે જબરદસ્ત નબળાઈ જોવા મળી રહી છે. હાલમાં આ સૂચકાંક 1,038.20 અંક એટલે કે 2.31 ટકા તૂટીને 45,812.61 અંકના સ્તરે આવ્યો છે.

જકાર્તા કમ્પોઝિટ ઇન્ડેક્સ પણ આજે બે ટકાથી વધુ ગગડી ચૂક્યો છે. હાલમાં આ સૂચકાંક 144.07 અંક એટલે કે 2.28 ટકા ગગડીને 6,171.24 અંકના સ્તરે પહોંચ્યો છે. આ ઉપરાંત હેંગ સેંગ ઇન્ડેક્સ 311.81 અંક એટલે કે 1.24 ટકાની નબળાઈ સાથે 24,899 અંકના સ્તરે, શાંઘાઈ કમ્પોઝિટ ઇન્ડેક્સ 1.20 ટકાના ઘટાડા સાથે 3,830.19 અંકના સ્તરે અને સેટ કમ્પોઝિટ ઇન્ડેક્સ 0.24 ટકા તૂટીને 1,637.13 અંકના સ્તરે કારોબાર કરી રહ્યા છે.

હિન્દુસ્થાન સમાચાર/યોગિતા પાઠક/અમરેશ દ્વિવેદી

હિન્દુસ્થાન સમાચાર / માધવી વ્યાસ