નવી દિલ્હી, 13 ઓગસ્ટ (હિ.સ.). પશ્ચિમ એશિયામાં ચાલી રહેલા સંકટ છતાં ભારતમાં ઓટોમોબાઇલ ઉદ્યોગ પૂરજોશમાં આગળ વધી રહ્યો છે. જુલાઈમાં વાહનોનું વેચાણ અત્યાર સુધીના સર્વોચ્ચ સ્તરે રહ્યું છે. તેમાં પેસેન્જર, દ્વિચક્રી અને ત્રિચક્રી વાહનોનું પ્રદર્શન સૌથી સારું રહ્યું, જેના કારણે દેશી પેસેન્જર વાહનોની થોક વેચાણમાં જુલાઈમાં વાર્ષિક ધોરણે 34.3 ટકાનો ઉછાળો નોંધાયો છે.

ઉદ્યોગ સંગઠન સોસાયટી ઓફ ઇન્ડિયન ઓટોમોબાઇલ મેન્યુફેક્ચરર્સ (સિયામ)એ ગુરુવારે આંકડાઓના આધારે જણાવ્યું કે, દેશી પેસેન્જર વાહનોની થોક વેચાણ જુલાઈમાં વાર્ષિક ધોરણે 34.3 ટકા વધીને 4,57,810 એકમ પર પહોંચી ગઈ. જુલાઈ, 2025માં પેસેન્જર વાહનોની થોક વેચાણ 3,40,772 એકમ રહી હતી. એ જ રીતે, જુલાઈ મહિનામાં કુલ દ્વિચક્રી વાહનોનું વેચાણ વાર્ષિક ધોરણે 22.6 ટકા વધીને 19,23,483 એકમ રહ્યું, જ્યારે જુલાઈ 2025માં આ આંકડો 15,69,120 એકમ હતો. ત્રિચક્રી વાહનોની થોક વેચાણ પણ જુલાઈમાં 33.4 ટકા વધીને 92,560 એકમ થઈ ગઈ, જે એક વર્ષ અગાઉની સમાન અવધિમાં 69,403 એકમ હતી.

વાહનોના પ્રદર્શન અંગે ટિપ્પણી કરતાં સિયામના ડિરેક્ટર જનરલ રાજેશ મેનને જણાવ્યું કે, ઉદ્યોગે જુલાઈમાં અત્યાર સુધીનું સૌથી સારું વેચાણ નોંધાવ્યું છે, જેમાં તમામ સેગમેન્ટમાં વ્યાપક સ્તરે વૃદ્ધિ જોવા મળી. તેમણે કહ્યું કે ઘણા મહિનાઓથી ચાલુ આ સકારાત્મક ગતિ તહેવારી સીઝનમાં પણ જળવાઈ રહી છે. મેનને કહ્યું કે, મજબૂત ગ્રાહક ભાવનાથી માંગને ટેકો મળવાની આશા છે.

હિન્દુસ્થાન સમાચાર / પ્રજેશ શંકર / સુનીત નિગમ

હિન્દુસ્થાન સમાચાર / ડો.હિતેશ એન.વ્યાસ