નવી દિલ્હી, 14 ઓગસ્ટ (હિ.સ.) ગ્લોબલ માર્કેટમાંથી આજે મિશ્ર સંકેતો મળી રહ્યા છે. અમેરિકી બજારો ગયા સત્ર દરમિયાન વધારા સાથે બંધ થયા હતા. ડાઉ જોન્સ ફ્યુચર્સ પણ આજે સામાન્ય તેજી સાથે કારોબાર કરતો નજરે પડી રહ્યો છે. તેની સામે યુરોપિયન બજારમાં ગયા સત્ર દરમિયાન સતત દબાણ રહ્યું. જ્યારે એશિયાઈ બજારમાં આજે મિશ્ર કારોબાર થઈ રહ્યો છે.

ટેક શેરોમાં જોરદાર ખરીદીના કારણે અમેરિકી બજારમાં ગયા સત્ર દરમિયાન સતત ઉત્સાહનો માહોલ રહ્યો. એસ એન્ડ પી 500 ઇન્ડેક્સ 0.65 ટકા વધીને 7,798.99 અંકના સ્તરે બંધ થયો. તેવી જ રીતે નાસ્ડેક 214.54 અંક એટલે કે 0.81 ટકા ઉછળી 26,803.03 અંકના સ્તરે ગયા સત્રના કારોબારનો અંત કર્યો. ડાઉ જોન્સ ફ્યુચર્સ આજે હાલ 0.07 ટકા મજબૂતી સાથે 53,878.09 અંકના સ્તરે કારોબાર કરતો નજરે પડી રહ્યો છે.

અમેરિકી બજારની વિરુદ્ધ યુરોપિયન બજારમાં ગયા સત્ર દરમિયાન સતત વેચવાલી રહી. એફટીએસઈ ઇન્ડેક્સ 60.48 અંક એટલે કે 0.56 ટકા નબળાઈ સાથે 10,772.67 અંકના સ્તરે બંધ થયો. તેવી જ રીતે સીએસી ઇન્ડેક્સે 0.28 ટકા ઘટાડા સાથે 8,650.56 અંકના સ્તરે ગયા સત્રના કારોબારનો અંત કર્યો. ઉપરાંત ડીએએક્સ ઇન્ડેક્સ 0.12 ટકા તૂટીને 26,299.74 અંકના સ્તરે બંધ થયો.

એશિયાઈ બજારમાં આજે મિશ્ર કારોબાર થઈ રહ્યો છે. એશિયાના નવ બજારોમાં પાંચના સૂચકાંકો મજબૂતી સાથે લીલા નિશાનમાં કારોબાર કરી રહ્યા છે, જ્યારે ચાર સૂચકાંકો ઘટાડા સાથે લાલ નિશાનમાં છે. ગિફ્ટ નિફ્ટી 0.26 ટકા લપસીને 24,397 અંકના સ્તરે આવી ગયો છે. તેવી જ રીતે શાંઘાઈ કોમ્પોઝિટ ઇન્ડેક્સ 0.21 ટકા સરકીને 3,918.65 અંકના સ્તરે પહોંચ્યો છે. હેંગ સેંગ ઇન્ડેક્સમાં આજે મોટી નબળાઈ જોવા મળી રહી છે. હાલ આ સૂચકાંક 237.51 અંક એટલે કે 0.94 ટકા ઘટાડા સાથે 25,159 અંકના સ્તરે આવી ગયો છે. ઉપરાંત જકાર્તા કોમ્પોઝિટ ઇન્ડેક્સ 0.02 ટકા ની સંકેતિક નબળાઈ સાથે 6,286.63 અંકના સ્તરે પહોંચ્યો છે.

બીજી તરફ, નિક્કેઈ ઇન્ડેક્સ 368.41 અંક એટલે કે 0.54 ટકા મજબૂતી સાથે 68,677 અંકના સ્તરે કારોબાર કરી રહ્યો છે. તેવી જ રીતે સેટ કોમ્પોઝિટ ઇન્ડેક્સ 0.29 ટકા ઉછળીને 1,619.11 અંકના સ્તરે પહોંચ્યો છે. કોસ્પી ઇન્ડેક્સમાં આજે સારી તેજી જોવા મળી રહી છે. હાલ આ સૂચકાંક 107.52 અંક એટલે કે 1.58 ટકા ઉછાળા સાથે 6,920.86 અંકના સ્તરે પહોંચ્યો છે. ઉપરાંત તાઇવાન વેઇટેડ ઇન્ડેક્સ 131.61 અંક એટલે કે 0.29 ટકા વધારા સાથે 46,153.09 અંકના સ્તરે અને સ્ટ્રેટ્સ ટાઇમ્સ ઇન્ડેક્સ 0.03 ટકા ની મામૂલી મજબૂતી સાથે 5,721.89 અંકના સ્તરે કારોબાર કરી રહ્યા છે.

હિન્દુસ્થાન સમાચાર / યોગિતા પાઠક / મુકુંદ

હિન્દુસ્થાન સમાચાર / ડો.હિતેશ એન.વ્યાસ