ભાવનગર 31 ઓગસ્ટ (હિ.સ.) શ્રાવણ માસ દરમિયાન 01 સપ્ટેમ્બરથી 11 સપ્ટેમ્બર 2026 સુધી વધારાની મુસાફર ક્ષમતા ઉપલબ્ધ રહેશે. શ્રાવણ માસ દરમિયાન સોમનાથ મંદિરમાં દર્શન માટે મોટી સંખ્યામાં આવતા શ્રદ્ધાળુઓ તથા મુસાફરોની સુવિધાને ધ્યાનમાં રાખીને પશ્ચિમ રેલવે દ્વારા મહત્વપૂર્ણ મુસાફર સુવિધા પૂરી પાડવામાં આવી રહી છે. મુસાફરોની વધતી માંગને ધ્યાનમાં રાખીને ભાવનગર મંડળમાંથી પસાર થતી બે જોડી દૈનિક મુસાફર ટ્રેનોમાં એક-એક વધારાની જનરલ કોચ લગાવવાનો નિર્ણય લેવામાં આવ્યો છે.

ભાવનગર મંડળના વરિષ્ઠ મંડળ વાણિજ્ય પ્રબંધક અતુલ કુમાર ત્રિપાઠીના જણાવ્યા અનુસાર મુસાફરોની સુવિધા તથા વધારાની મુસાફર ક્ષમતા ઉપલબ્ધ કરાવવાના હેતુથી નીચે દર્શાવેલી ટ્રેનોમાં 01 સપ્ટેમ્બર 2026થી 11 સપ્ટેમ્બર 2026 સુધી એક-એક વધારાની જનરલ કોચ લગાવવામાં આવશે:

• ટ્રેન નંબર 19120/19119 વેરાવળ–ગાંધીનગર કેપિટલ–વેરાવળ દૈનિક એક્સપ્રેસ

• ટ્રેન નંબર 59558/59559 ભાવનગર–વેરાવળ–ભાવનગર દૈનિક પેસેન્જર

આ વધારાની કોચની સુવિધાથી શ્રાવણ માસ દરમિયાન સોમનાથ દર્શન માટે આવતા-જતા શ્રદ્ધાળુઓ તથા અન્ય મુસાફરોને વધુ બેઠક ક્ષમતા અને સુવિધાજનક મુસાફરીનો લાભ મળશે. પશ્ચિમ રેલવે મુસાફરોની જરૂરિયાતોને અનુરૂપ મુસાફર સુવિધાઓમાં સતત વધારો કરવા માટે પ્રતિબદ્ધ છે.

મંડળ રેલ પ્રબંધક, ભાવનગર શ્રી દિનેશ વર્માએ મુસાફરોને આ વધારાની સુવિધાનો વધુમાં વધુ લાભ લેવા તથા પોતાની મુસાફરીને સુવિધાજનક બનાવવા અપીલ કરી છે.

પશ્ચિમ રેલવે દ્વારા શ્રદ્ધાળુઓ તથા મુસાફરોની સુવિધાને સર્વોચ્ચ પ્રાથમિકતા આપીને શ્રાવણ માસ દરમિયાન સુગમ, સુરક્ષિત અને સુવિધાજનક રેલ મુસાફરી સુનિશ્ચિત કરવા માટે સતત પ્રયાસો કરવામાં આવી રહ્યા છે.

---------------

હિન્દુસ્થાન સમાચાર / ભરતસિંહ જાદવ