વોશિંગ્ટન, નવી દિલ્હી, 28 ઓક્ટોબર (હિ.સ.) અમેરિકામાં 5 નવેમ્બરે રાષ્ટ્રપતિની ચૂંટણી યોજાવાની છે. ઘણા અખબારો અને ચૂંટણી સર્વેક્ષણ એજન્સીઓ મતદારોના મનને પ્રભાવિત કરવાનો પ્રયાસ કરી રહી છે. આ સંદર્ભમાં અમેરિકાના અગ્રણી અખબાર ધ ન્યૂયોર્ક ટાઈમ્સ અને સિએન કોલેજે સંયુક્ત રીતે એક સર્વે પણ કર્યો છે. આ સર્વે અનુસાર ત્રણ ચતુર્થાંશ મતદારોએ કહ્યું કે, દેશમાં લોકશાહી ખતરામાં છે.
ન્યૂ યોર્ક ટાઈમ્સ-સિએના કોલેજના આ સર્વે અનુસાર, લગભગ અડધા અમેરિકન મતદારો માને છે કે, અમેરિકન લોકશાહી સામાન્ય લોકોનું પ્રતિનિધિત્વ કરવાનું સારું કામ કરી રહી નથી. ત્રણ ચતુર્થાંશ મતદારો કહે છે કે, લોકશાહી જોખમમાં છે. અખબાર આ અભિપ્રાયનું વિશ્લેષણ કરીને કહે છે કે, આ અભિપ્રાય પક્ષપાતી વલણના આધારે વ્યાપકપણે બદલાય છે. મોટાભાગના મતદારો માને છે કે દેશ ભ્રષ્ટાચારથી ઘેરાયેલો છે.
આ સર્વેનું વિશ્લેષણ જણાવે છે કે, લગભગ 250 વર્ષ જૂની અમેરિકન સરકારી વ્યવસ્થામાં ઓછો વિશ્વાસનું કારણ ચાર વર્ષનાં અભૂતપૂર્વ પડકારો છે. આમાં, હિંસક રમખાણો અને બગડતી અર્થવ્યવસ્થા એ 2020ની રાષ્ટ્રપતિની ચૂંટણીને પલટાવી દેવાના પ્રયાસમાં મુખ્ય પરિબળો છે અને મતદારોનું માનવું છે કે, અમેરિકન સરકાર મૂળભૂત સુવિધાઓ પૂરી પાડવામાં નિષ્ફળ રહી છે. 58 ટકા મતદારો ઈચ્છે છે કે દેશની નાણાકીય અને રાજકીય વ્યવસ્થામાં આમૂલ પરિવર્તનની જરૂર છે.
હિન્દુસ્થાન સમાચાર / મુકુંદ / ડો. હિતેશ
હિન્દુસ્થાન સમાચાર / ડો.હિતેશ એન.વ્યાસ
