પાટણ, 21 નવેમ્બર (હિ.સ.) પાટણ જિલ્લાના ધોરણ 6 થી 8 પ્રાથમિક શાળાઓમાં 39 ભાષા અને 17 ગણિત-વિજ્ઞાનના પ્રાથમિક શિક્ષકોની ખાલી જગ્યાઓ ભરવા માટે કુણઘેર કન્યા પ્રાથમિક શાળામાં ગુરૂવારે સવારે 9 વાગ્યે જિલ્લા ફેર બદલી કેમ્પ યોજાશે.

આ કેમ્પમાં 1 એપ્રિલ 2022 પહેલાં બદલી માટે અરજી કરનારા અને સિનિયોરિટી લિસ્ટમાં સમાવિષ્ટ તેવા શિક્ષકોને આમંત્રિત કરવામાં આવ્યા છે. પાટણ જિલ્લામાં સ્થાંતર ઇચ્છતા અન્ય જિલ્લાના શિક્ષકો પણ ભાગ લેશે. કુલ 200 થી વધુ શિક્ષકો કેમ્પમાં હાજર રહેવાના છે.

હિન્દુસ્થાન સમાચાર / પરમાર હાર્દિકકુમાર