કાબુલ, નવી દિલ્હી, 29 માર્ચ (હિ.સ.) અફઘાનિસ્તાનમાં 24 કલાકમાં બીજી વખત ભૂકંપના કારણે ધરતી ધ્રૂજી ગઈ. આજે (શુક્રવારે) સ્થાનિક સમય અનુસાર, સવારે 5:11 વાગ્યે આવેલા ભૂકંપની તીવ્રતા રિક્ટર સ્કેલ પર 4.6 નોંધવામાં આવી હતી. નવી દિલ્હીમાં ભારતના નેશનલ સિસ્મોલોજી સેન્ટર દ્વારા આ માહિતી આપવામાં આવી હતી. હાલમાં કોઈ જાનહાનિની માહિતી નથી.
ભારતના નેશનલ સેન્ટર ફોર સિસ્મોલોજીએ, તેના એક્સ હેન્ડલ પર અફઘાનિસ્તાનમાં તાજેતરના ભૂકંપની વિગતો શેર કરી છે. આ પહેલા ગઈકાલે (ગુરુવારે) સવારે સ્થાનિક સમય અનુસાર, સવારે 5:44 વાગ્યે રિક્ટર સ્કેલ પર 4.2ની તીવ્રતાનો ભૂકંપ આવ્યો હતો. નોંધનીય છે કે, અફઘાનિસ્તાન ભૂકંપ માટે ખૂબ જ સંવેદનશીલ છે.
ગયા વર્ષે ઓક્ટોબરમાં અફઘાનિસ્તાનમાં આવેલા વાવાઝોડાએ ભારે તબાહી મચાવી હતી. રિક્ટર સ્કેલ પર તેની તીવ્રતા 6.3 માપવામાં આવી હતી. આ ભૂકંપમાં આંખના પલકારામાં 2053થી વધુ લોકોના મોત થયા હતા.
હિન્દુસ્થાન સમાચાર/ મુકુંદ / ડો. હિતેશ
