પ્રિયંકા ચોપરા બોલીવુડની લોકપ્રિય અભિનેત્રી છે. પ્રિયંકાએ બોલિવૂડની સાથે સાથે હોલીવુડમાં પણ પોતાનું નામ કમાવ્યું છે. હાલમાં પ્રિયંકા તેની હોલીવુડ ફિલ્મ 'હેડ ઓફ સ્ટેટ'ના શૂટિંગમાં વ્યસ્ત છે. આ ફિલ્મના શૂટિંગ દરમિયાન પ્રિયંકા ઈજાગ્રસ્ત થઈ હતી.
પ્રિયંકાએ ઈન્સ્ટાગ્રામ પર પોતાનો એક ફોટો શેર કર્યો છે. પ્રિયંકાના ચહેરા પર ઈજાના નિશાન છે અને લોહી પણ દેખાઈ રહ્યું છે. આ ફોટો શેર કરતાં પ્રિયંકા કહે છે, હું તમને એ પણ નથી કહી શકતી કે છેલ્લાં કેટલાંક વર્ષોમાં મેં ઈજાની કેટલી તસવીરો પોસ્ટ કરી છે. પ્રિયંકા ફિલ્મ 'હેડ ઓફ સ્ટેટ'માં ખતરનાક એક્શન સીન કરતી જોવા મળશે. આ એક્શન સીનના શૂટિંગ દરમિયાન અભિનેત્રી ઘાયલ થઈ ગઈ હતી. આ ફિલ્મમાં પ્રિયંકા સાથે જ્હોન સીના અને એડિસ એલ્બા પણ જોવા મળશે.
પ્રિયંકાએ ફિલ્મ 'બેવોચ'થી હોલિવૂડમાં ડેબ્યૂ કર્યું હતું. તે લવ અગેઈન, ધ મેટ્રિક રિસર્ક્શન, ઈઝન્ટ ઈટ રોમેન્ટિક, અ કિડ લાઈક જેક, ક્વોન્ટિકો જેવી ફિલ્મોમાં જોવા મળી હતી. પ્રિયંકાએ વેબ સીરિઝ સિટાડેલમાં પણ કામ કર્યું છે.
હિન્દુસ્થાન સમાચાર/લોકેશ ચંદ્ર/સુનીત
