નવી દિલ્હી, 27 જુલાઈ (હિ.સ.) વિકી કૌશલ, તૃપ્તિ ડિમરી અને એમી વિર્ક અભિનીત 'બેડ ન્યૂઝ' 19 જુલાઈએ રિલીઝ થઈ હતી. આ ફિલ્મના ગીતો 'તૌબા તૌબા', 'જનમ', 'મેરે મહેબૂબ મેરે સનમ'ને સોશિયલ મીડિયા પર તોફાની પ્રતિસાદ મળ્યો હતો. વિકી અને તૃપ્તિની રોમેન્ટિક કેમિસ્ટ્રીએ સૌનું ધ્યાન ખેંચ્યું હતું. આવી સ્થિતિમાં આ ફિલ્મ બોક્સ ઓફિસ પર કેવું પ્રદર્શન કરશે, તેના પર સૌનું ધ્યાન હતું. ગયા અઠવાડિયે 19 જુલાઈએ રિલીઝ થયેલી આ ફિલ્મના 8મા દિવસનું બોક્સ ઓફિસ કલેક્શન હવે જાહેર થયું છે.

સૈકનીલ્ક ના રિપોર્ટ અનુસાર, 'બેડ ન્યુઝ'એ રિલીઝના 8માં દિવસે 2 કરોડ રૂપિયાની કમાણી કરી લીધી છે. આ પછી, 'બેડ ન્યુઝ'નું 8 દિવસનું કુલ કલેક્શન હવે 44.85 કરોડ રૂપિયા થઈ ગયું છે. જ્યારે 'બેડ ન્યૂઝ'નું પ્રથમ સપ્તાહનું કલેક્શન 40 કરોડથી વધુ રહ્યું છે.

દરમિયાન, વિકી કૌશલ ટૂંક સમયમાં લક્ષ્મણ ઉતેકરની ફિલ્મ છાવામાં જોવા મળશે. આ સિવાય એવી ચર્ચા છે કે, સંજય લીલા ભણસાલીની આગામી ફિલ્મમાં રણબીર-આલિયા સાથે વિકી મહત્વની ભૂમિકા ભજવશે.

હિન્દુસ્થાન સમાચાર / લોકેશ ચંદ્ર દુબે / સંજીવ પાશ / ડો. હિતેશ

હિન્દુસ્થાન સમાચાર

હિન્દુસ્થાન સમાચાર / ડો.હિતેશ એન.વ્યાસ