નવી દિલ્હી, 18 સપ્ટેમ્બર (હિ.સ.) ક્રિસ્ટિયાનો રોનાલ્ડોની સાઉદી ક્લબ
અલ નાસરે, એએફસી ચેમ્પિયન્સ લીગ એલિટ અભિયાનના નિરાશાજનક ડ્રો સાથે શરૂ કર્યાના એક
દિવસ પછી મંગળવારે પોર્ટુગીઝ કોચ લુઈસ કાસ્ટ્રોની, વિદાયની જાહેરાત કરી હતી.
સોમવારે એશિયન સ્પર્ધામાં ઇરાકના અલ શોર્ટા સાથે 1-1થી ડ્રો
સાથે ક્લબની સ્થાનિક સિઝનની શરૂઆત ધીમી થઈ હતી.
ટ્વિટર પર પોસ્ટ કરાયેલ એક નિવેદનમાં લખ્યું છે કે, અલ નાસરએ,
જાહેરાત કરી છે કે, મુખ્ય કોચ લુઈસ કાસ્ટ્રોએ ક્લબ છોડી દીધી છે. અલ નાસરમાં
દરેક વ્યક્તિ લુઈસ અને તેના સ્ટાફનો છેલ્લા 14 મહિના દરમિયાન તેમના સમર્પિત કાર્ય
માટે, આભાર માનવા માંગે છે. તેમને શુભેચ્છાઓ અને ભવિષ્ય માટે શુભેચ્છાઓ પાઠવે છે.
રોનાલ્ડો 2023 ની શરૂઆતમાં, ક્લબમાં જોડાયા પછી 63 વર્ષીય
કાસ્ટ્રો અલ નાસર છોડનારા ત્રીજા કોચ છે.
ફ્રાન્સના રુડી ગાર્સિયાએ, તે એપ્રિલમાં તરત જ છોડી દીધું, ત્યારપછી પાછલા
વર્ષે જુલાઈમાં કાસ્ટ્રોની નિમણૂક પહેલાં ક્રોએશિયન કોચ ડિન્કો જેલિકિક સાથે
ક્લબમાં સંક્ષિપ્ત કાર્ય કર્યું.
રોનાલ્ડોએ હજુ સુધી રિયાધ ક્લબ સાથે, સાઉદી ટ્રોફી જીતી નથી, તેનું એકમાત્ર
ટાઇટલ ગયા વર્ષના અરબ ક્લબ ચેમ્પિયન્સ કપ હતું.
છેલ્લી સાઉદી પ્રો લીગ સીઝનમાં, બીજા સ્થાને રહેનાર અલ નાસર
નવા અભિયાનની શરૂઆતમાં ત્રણ મેચમાં બે વખત ડ્રો કરી છે.
હિન્દુસ્થાન સમાચાર / સુનિલ દુબે / ડો માધવી
હિન્દુસ્થાન સમાચાર / માધવી વ્યાસ