વોશિંગ્ટન, નવી દિલ્હી, 15 ઓક્ટોબર (હિ.સ.): રાષ્ટ્રપતિ ડોનાલ્ડ ટ્રમ્પે જાહેરાત કરી કે, અમેરિકન સૈન્યએ વેનેઝુએલાના દરિયાકાંઠે હોડી પર સવાર છ લોકોને મારી નાખ્યા. તેમણે જણાવ્યું હતું કે, આ માણસો ડ્રગ્સ લઈ જતા હતા. સૈન્યએ અત્યાર સુધીમાં આવા 27 લોકોને મારી નાખ્યા છે. 2 સપ્ટેમ્બર પછી અમેરિકન સૈન્ય દ્વારા આ પાંચમી કાર્યવાહી છે.

ધ ન્યૂ યોર્ક ટાઈમ્સ અનુસાર, રાષ્ટ્રપતિ ટ્રમ્પે મંગળવારે સોશિયલ મીડિયા પર લખ્યું હતું કે, અમેરિકાએ વેનેઝુએલાના દરિયાકાંઠે આંતરરાષ્ટ્રીય જળ ક્ષેત્રમાં હોડી પર સવાર છ લોકોને મારી નાખ્યા. તેમણે પુરાવા વિના દાવો કર્યો હતો કે, તેઓ ડ્રગ્સ લઈ જઈ રહ્યા હતા. ટ્રમ્પે કહ્યું, ગુપ્તચરતાએ પુષ્ટિ આપી છે કે, બોટ ડ્રગ્સની દાણચોરી કરી રહી હતી.

ટ્રમ્પે 33 સેકન્ડનો હવાઈ દેખરેખ વિડિઓ પણ પોસ્ટ કર્યો. તેમાં એક નાની બોટ તરતી અને પછી મિસાઇલથી અથડાઈ અને વિસ્ફોટ થતી દેખાય છે. રાષ્ટ્રપતિએ માર્યા ગયેલા લોકોની રાષ્ટ્રીયતા જાહેર કરી નથી, ન તો તેમણે કોઈ ચોક્કસ ડ્રગ કાર્ટેલ અથવા ગુનાહિત ગેંગનું નામ આપ્યું છે.

હિન્દુસ્થાન સમાચાર / મુકુંદ

હિન્દુસ્થાન સમાચાર / ડો.હિતેશ એન.વ્યાસ