-દિવ્ય અને ભવ્ય મહાકુંભમાં શ્રદ્ધા, ભક્તિ અને આધ્યાત્મિકતાનો સંગમ દરેકને અભિભૂત કરી રહ્યો છે: પ્રધાનમંત્રી

મહાકુંભનગર, નવી દિલ્હી, ૫ ફેબ્રુઆરી (હિ.સ.) પ્રધાનમંત્રી નરેન્દ્ર મોદીએ, બુધવારે પ્રયાગરાજ મહાકુંભ ખાતે ત્રિવેણી સંગમમાં ડૂબકી લગાવી હતી. તેમણે આ ઐતિહાસિક અને ખાસ સ્નાનને અદ્ભુત ગણાવ્યું. સોશિયલ મીડિયા પ્લેટફોર્મ એક્સ પર, પીએમ મોદીએ સંગમમાં સ્નાન કરતી તસવીરો શેર કરી અને લખ્યું કે, માં ગંગાના આશીર્વાદ મેળવ્યા પછી, મનને અપાર શાંતિ અને સંતોષ મળ્યો. તેમણે એમ પણ કહ્યું કે તેમણે બધા દેશવાસીઓના સુખ, સમૃદ્ધિ, સ્વાસ્થ્ય અને સુખાકારી માટે માતા ગંગાને પ્રાર્થના કરી. ઉલ્લેખનીય છે કે, બુધવારે ત્રિવેણી સંગમમાં સ્નાન કરતી વખતે, પીએમ મોદીએ વૈદિક મંત્રોના જાપ વચ્ચે પૂજા સાથે સંગમ આરતી પણ કરી હતી અને સંગમ કિનારે હાજર ભક્તોનું અભિવાદન પણ કર્યું હતું.

ઓફિશિયલ હેન્ડલ પર ફોટા શેર કર્યા

પ્રધાનમંત્રી નરેન્દ્ર મોદીએ તેમના સત્તાવાર ઇન્સ્ટાગ્રામ હેન્ડલ પર લખ્યું કે, આજે પ્રયાગરાજ મહાકુંભમાં પવિત્ર સંગમમાં સ્નાન કર્યા પછી તેમને પ્રાર્થના કરવાનું સૌભાગ્ય મળ્યું. માતા ગંગાના આશીર્વાદ પ્રાપ્ત કરીને મનને અપાર શાંતિ અને સંતોષ મળ્યો છે. તેમણે તમામ દેશવાસીઓના સુખ, સમૃદ્ધિ, સ્વાસ્થ્ય અને સુખાકારી માટે પ્રાર્થના કરી. હર હર ગંગે. પીએમ મોદીએ પોતાની આગામી પોસ્ટમાં લખ્યું, પ્રયાગરાજના દિવ્ય અને ભવ્ય મહાકુંભમાં શ્રદ્ધા, ભક્તિ અને આધ્યાત્મિકતાનો સંગમ દરેકને અભિભૂત કરી રહ્યો છે. પીએમ મોદીએ પોતાની પોસ્ટની સાથે સંગમમાં સ્નાન કરવાની તેમજ પૂજા અને પ્રાર્થનાની તસવીરો પણ શેર કરી.

હિન્દુસ્થાન સમાચાર / બ્રિજનંદન / સી.પી. સિંહ

હિન્દુસ્થાન સમાચાર / ડો.હિતેશ એન.વ્યાસ