નવી દિલ્હી, 6 ઓગસ્ટ (હિ.સ.) પ્રધાનમંત્રી નરેન્દ્ર મોદીએ, બુધવારે કર્તવ્ય ભવન રાષ્ટ્રને સમર્પિત કર્યું અને તેને સરકારના અતુટ સંકલ્પ અને જાહેર સેવા પ્રત્યેના સતત પ્રયાસોનું પ્રતીક ગણાવ્યું. તેમણે કહ્યું કે, કર્તવ્ય ભવન ફક્ત નીતિઓ અને યોજનાઓના ઝડપી અમલીકરણમાં મદદ કરશે જ નહીં, પરંતુ રાષ્ટ્રના વિકાસને નવી ગતિ પણ આપશે.

દિલ્હીમાં કર્તવ્ય પથ પર નવનિર્મિત કર્તવ્ય ભવન-3નું ઉદ્ઘાટન કર્યા પછી, પ્રધાનમંત્રી મોદીએ ઇન્સ્ટાગ્રામ પર કાર્યક્રમની તસવીરો શેર કરી અને ઘણી પોસ્ટ કરી. પ્રધાનમંત્રીએ પોસ્ટમાં કહ્યું કે, કર્તવ્ય પથ પર કર્તવ્ય ભવન એ આપણા અતુટ સંકલ્પ અને લોકોની સેવા પ્રત્યેના સતત પ્રયાસોનું પ્રતીક છે. તે ફક્ત આપણી નીતિઓ અને યોજનાઓને ઝડપથી લોકો સુધી પહોંચાડવામાં મદદરૂપ થવાનું નથી, પરંતુ તે દેશના વિકાસને પણ નવી ગતિ આપશે. અત્યાધુનિક માળખાગત સુવિધાઓનું ઉદાહરણ બનેલી આ ઇમારતને રાષ્ટ્રને સમર્પિત કરતા મને ખૂબ ગર્વ થાય છે.

તેમણે કહ્યું કે, કર્તવ્ય ભવન વિકસિત અને આત્મનિર્ભર ભારત બનાવવા માટેની આપણી પ્રતિબદ્ધતાને પ્રતિબિંબિત કરે છે. આજે દેશે આપણા શ્રમયોગીઓની અથાક મહેનત અને દૃઢ નિશ્ચયનો સાક્ષી બન્યો છે, જેમણે તેને બનાવ્યું છે. મને તેમની સાથે વાત કરીને ખૂબ આનંદ થયો છે.

પ્રધાનમંત્રીએ કહ્યું કે, કર્તવ્ય ભવનના નિર્માણમાં પર્યાવરણીય સંરક્ષણ પર સંપૂર્ણ ધ્યાન આપવામાં આવ્યું છે, જેના માટે આપણો દેશ પ્રતિબદ્ધ છે. આજે મને તેના આંગણામાં એક વૃક્ષ વાવવાની તક પણ મળી.

હિન્દુસ્થાન સમાચાર / સુશીલ કુમાર / અનુપ શર્મા

હિન્દુસ્થાન સમાચાર / ડો.હિતેશ એન.વ્યાસ