અમરેલી, 25 ઓક્ટોબર (હિ.સ.) : અમરેલી વિધાનસભા ક્ષેત્રના ગ્રામ્ય વિસ્તારોમાં માર્ગ સુવિધાઓને વધુ મજબૂત બનાવવાની દિશામાં મહત્વપૂર્ણ પહેલ કરવામાં આવી છે. જીથુડી ખાતે અંદાજિત ₹200 લાખ એટલે કે ₹2 કરોડના ખર્ચે નવનિર્મિત થનારા જીથુડી-રાંઢીયા રોડના રિસર્ફેસિંગ કામનો વિધિવત શુભારંભ કરવામાં આવ્યો હતો. આ પ્રસંગે ઉપસ્થિત રહી માર્ગના નવીનીકરણ કાર્યનું ખાતમુહૂર્ત કરવામાં આવ્યું હતું.
આ માર્ગનું નવીનીકરણ પૂર્ણ થયા બાદ જીથુડી અને રાંઢીયા ગામ વચ્ચેનું પરિવહન વધુ સરળ, ઝડપી અને સલામત બનવાની અપેક્ષા છે. ખાસ કરીને બંને ગામના ગ્રામજનો, ખેડૂતો અને વિદ્યાર્થીઓને રોજિંદા આવાગમનમાં મોટી રાહત મળશે.
ગ્રામ્ય વિસ્તારોમાં સારા રસ્તાઓની સુવિધા ઉપલબ્ધ બને તે સ્થાનિક વિકાસ માટે ખૂબ જ જરૂરી છે. રસ્તાઓની સ્થિતિ સુધરવાથી ખેડૂતોને ખેતપેદાશોના પરિવહનમાં સરળતા રહેશે. ઉપરાંત વિદ્યાર્થીઓને શૈક્ષણિક સંસ્થાઓ સુધી પહોંચવામાં અને ગ્રામજનોને આરોગ્ય સહિતની વિવિધ સેવાઓ મેળવવામાં પણ સુવિધા મળશે.
છેવાડાનાં ગામો સુધી ઉત્તમ માર્ગ સુવિધાઓ પહોંચે અને ગ્રામ્ય વિસ્તારોનો સર્વાંગી વિકાસ થાય તે દિશામાં આ માર્ગનું નવીનીકરણ મહત્વપૂર્ણ સાબિત થશે. અંદાજિત ₹2 કરોડના ખર્ચે હાથ ધરાનારા આ કાર્યથી બંને ગામના નાગરિકોને વધુ સારી પરિવહન સુવિધા ઉપલબ્ધ થવાની આશા છે.
---------------
હિન્દુસ્થાન સમાચાર / Gondaliya Abhishek Nandrambhai
