બોટાદ,26 ઓક્ટોબર (હિ.સ.)ઢસા ગામ-૧ ગ્રામ પંચાયત ખાતે પ્રધાનમંત્રી જન આરોગ્ય યોજના (PMJAY-MA) અંતર્ગત આયુષ્માન કાર્ડ એનરોલમેન્ટ કેમ્પનું આયોજન કરવામાં આવ્યું હતું. આ કેમ્પની જિલ્લા કલેક્ટરે મુલાકાત લઈને કાર્ડ બનાવવાની કામગીરીનું નિરીક્ષણ કર્યું હતું. સાથે જ પાત્ર નાગરિકોને યોજનાનો લાભ મળી રહે તે માટે સંબંધિત કર્મચારીઓને જરૂરી માર્ગદર્શન આપ્યું હતું.

આયુષ્માન કાર્ડ દ્વારા પાત્ર પરિવારોને આરોગ્યલક્ષી સેવાઓનો લાભ મળી રહે તે હેતુથી સરકાર દ્વારા વિવિધ સ્થળોએ કાર્ડ નોંધણીની કામગીરી હાથ ધરવામાં આવી રહી છે. આ અંતર્ગત ઢસા ગામ-૧ ગ્રામ પંચાયત ખાતે યોજાયેલા કેમ્પમાં પાત્ર નાગરિકોની નોંધણી કરીને આયુષ્માન કાર્ડ બનાવવાની પ્રક્રિયા હાથ ધરવામાં આવી હતી.

જિલ્લા કલેક્ટરે કેમ્પની મુલાકાત દરમિયાન નોંધણી પ્રક્રિયા, નાગરિકોને આપવામાં આવતી માહિતી અને કાર્ડ બનાવવા માટેની કામગીરીની સમીક્ષા કરી હતી. આ ઉપરાંત, યોજનાના લાભથી કોઈ પાત્ર નાગરિક વંચિત ન રહી જાય તે માટે કામગીરીમાં જરૂરી કાળજી રાખવા સૂચના આપી હતી.

આયુષ્માન કાર્ડ આરોગ્ય સુરક્ષાની દૃષ્ટિએ પાત્ર પરિવારો માટે મહત્વપૂર્ણ છે. આ કાર્ડના માધ્યમથી લાભાર્થીઓને નિયત નિયમો અને પાત્રતા અનુસાર આરોગ્ય સેવાઓનો લાભ મળી શકે છે. તેથી પાત્ર નાગરિકો સુધી યોજનાની માહિતી પહોંચે અને તેઓ સરળતાથી નોંધણી કરાવી શકે તે માટે સંબંધિત તંત્ર દ્વારા યોગ્ય વ્યવસ્થા કરવી જરૂરી છે.

કેમ્પની મુલાકાત દરમિયાન જિલ્લા કલેક્ટરે કામગીરીને વધુ સુવ્યવસ્થિત બનાવવા અને પાત્ર લાભાર્થીઓને યોજનાનો લાભ મળી રહે તે માટે જરૂરી માર્ગદર્શન આપ્યું હતું.

હિન્દુસ્થાન સમાચાર / DISHANT NANDRAMBHAI GONADLIYA