ઇમ્ફાલ, નવી દિલ્હી, 28 ઓક્ટોબર (હિ.સ.) મણિપુરના ઇમ્ફાલ પૂર્વ જિલ્લાના પુખાઓ તેરાપુર વિસ્તારમાં બુધવારે મણિપુર પોલીસના વિશેષ કમાન્ડો યુનિટ અને 33મી આસામ રાઇફલ્સ (એઆર)ની સંયુક્ત ટીમે અભિયાન ચલાવીને મોટી માત્રામાં હથિયારો, દારૂગોળો અને અન્ય લશ્કરી સામગ્રી જપ્ત કરી.
અભિયાન દરમિયાન વિવિધ કેલિબરની મેગેઝીન સહિત ચાર અત્યાધુનિક પિસ્તોલ, એક લાથોડ લોન્ચર, ચાર સિંગલ બેરલ બંદૂકો અને છ હેન્ડ ગ્રેનેડ જપ્ત કરવામાં આવ્યા. આ ઉપરાંત વિવિધ પ્રકારના 69 કારતૂસ અને અન્ય સંબંધિત સામાન પણ જપ્ત કરવામાં આવ્યા. અન્ય સામગ્રીઓમાં 17 લોખંડની બુલેટપ્રૂફ પ્લેટો, 22 કેવલર હેલ્મેટ, ગ્રેનેડના ડેટોનેટર તથા આર્મ રિંગ્સ સહિતની અન્ય વસ્તુઓનો સમાવેશ થાય છે.
આ અભિયાન 28 ઓક્ટોબરના રોજ પુખાઓ તેરાપુર વિસ્તારમાં ચલાવવામાં આવ્યું. પોલીસ અને આસામ રાઇફલ્સની સંયુક્ત કાર્યવાહીમાં હથિયારો અને લશ્કરી ઉપકરણોની જપ્તીને સુરક્ષાની દ્રષ્ટિએ મહત્વપૂર્ણ માનવામાં આવી રહી છે.
જોકે, જપ્ત કરાયેલા હથિયારો અને અન્ય સામગ્રીઓના સ્ત્રોત તથા તેમના સંભવિત ઉપયોગ અંગે વિગતવાર માહિતી હજુ સામે આવી નથી.
હિન્દુસ્થાન સમાચાર / શ્રીપ્રકાશ / અરવિંદ રાય / અમરેશ દ્વિવેદી
હિન્દુસ્થાન સમાચાર / ડો.હિતેશ એન.વ્યાસ
