નવી દિલ્હી, 06 ઓક્ટોબર (હિ.સ.). એન્ફોર્સમેન્ટ ડિરેક્ટોરેટ (ઈડી) ના સંયુક્ત નિર્દેશક સ્વપન બોઝનું મંગળવારે લાંબી માંદગી બાદ નિધન થયું. તેઓ 33 વર્ષથી ઈડી માં સેવાઓ આપી રહ્યા હતા. ઈડી એ તેમના નિધનને સંગઠન અને જાહેર સેવા ક્ષેત્ર માટે અપૂરણીય ક્ષતિ ગણાવી છે.

ઈડી એ પોતાના શોક સંદેશમાં જણાવ્યું છે કે, સ્વપન બોઝે પોતાના લાંબા કાર્યકાળ દરમિયાન ઘણી મહત્વપૂર્ણ જવાબદારીઓ સંભાળી અને વ્યાવસાયિક કાર્યક્ષમતા, સંસ્થાકીય પ્રતિબદ્ધતા તથા ઈમાનદારી સાથે તેનું નિર્વહન કર્યું. વિભાગે તેમને વિશિષ્ટ ક્ષમતા, કર્તવ્યનિષ્ઠ આચરણ અને અતૂટ સમર્પણવાળા અધિકારી ગણાવ્યા.

ઈડી નિર્દેશક સહિત મુખ્યમથક અને તમામ પ્રાદેશિક તેમજ ઉપ-પ્રાદેશિક કાર્યાલયોના અધિકારીઓ તથા કર્મચારીઓએ સ્વપન બોઝના નિધન પર શોક વ્યક્ત કરતા તેમના પરિવાર, સંબંધીઓ અને સહકર્મીઓ પ્રત્યે ઊંડી સંવેદના વ્યક્ત કરી. નિર્દેશાલયે જણાવ્યું કે, દુઃખની આ ઘડીમાં તે શોકાતુર પરિવાર સાથે મજબૂતીથી ઊભું છે અને દિવંગત આત્માની શાંતિ માટે પ્રાર્થના કરે છે.

હિન્દુસ્થાન સમાચાર / પ્રશાંત શેખર / પવન કુમાર

હિન્દુસ્થાન સમાચાર / ડો.હિતેશ એન.વ્યાસ