નવી દિલ્હી, 13 નવેમ્બર (હિ.સ.). દેશભરમાં બદલાતા હવામાનને કારણે એક તરફ જ્યાં જુદા જુદા વિસ્તારોમાં તેજ પવનો સાથે હળવાથી મધ્યમ વરસાદ થવાની શક્યતા છે, તો બીજી તરફ દિલ્હી-એનસીઆરમાં દિવસેને દિવસે ધુમ્મસ અને કોહરો વધવાનું અનુમાન છે. આ સિવાય મધ્ય બંગાળની ખાડી પર સર્જાયેલું દબાણનું ક્ષેત્ર એક 'ચક્રવાતી વાવાઝોડા'માં ફેરવાઈને વધુ તીવ્ર બનવાની પ્રબળ શક્યતા છે.

ભારત હવામાન વિજ્ઞાન વિભાગ (આઈએમડી) મુજબ દિલ્હી-એનસીઆરમાં શનિવારે વાદળો છવાયેલા રહેવાની શક્યતા છે. સવારના સમયે મોટાભાગના સ્થળોએ હળવો કોહરો રહેવાની શક્યતા છે. અહીંનું મહત્તમ તાપમાન 27-29 ડિગ્રી સેલ્સિયસ અને ન્યૂનતમ તાપમાન 16-18 ડિગ્રી સેલ્સિયસ વચ્ચે રહી શકે છે.

રવિવારે વાદળો છવાયેલા રહેવાની શક્યતા છે. સવારે ધુમ્મસ રહેવાની સાથે સાથે, બપોર પહેલાં કેટલાક જુદા જુદા સ્થળોએ ખૂબ હળવો વરસાદ થવાનું અનુમાન છે. આ દિવસનું મહત્તમ તાપમાન પણ 26-28 ડિગ્રી સેલ્સિયસ અને ન્યૂનતમ તાપમાન 15-17 ડિગ્રી સેલ્સિયસ સુધી રહેવાની શક્યતા છે. જ્યારે, સોમવારે આકાશ મુખ્યત્વે સ્વચ્છ રહેવાની અને સવારના સમયે હળવો કોહરો છવાવાની શક્યતા છે.

આઈએમડી અનુસાર દક્ષિણ-પૂર્વ બંગાળની ખાડી પર સર્જાયેલું હળવા દબાણનું ક્ષેત્ર 14 નવેમ્બરે 'સુસ્પષ્ટ હળવા દબાણ'માં બદલાઈ શકે છે. ત્યારબાદ તે ઉત્તર-ઉત્તર-પશ્ચિમ દિશામાં આગળ વધવાની અને 16 નવેમ્બરની સાંજની આસપાસ મધ્ય બંગાળની ખાડી પર એક 'ચક્રવાતી વાવાઝોડા'માં વધુ તીવ્ર બનવાની પ્રબળ શક્યતા છે. રવિવારે ઉત્તર-પશ્ચિમ ભારત પર એક નવા પશ્ચિમી વિક્ષોભની અસર શરૂ થવાની શક્યતા છે. ઉત્તર-પશ્ચિમ ભારતના હિમાચલ પ્રદેશ અને ઉત્તરાખંડમાં જમ્મુ-કાશ્મીર વિસ્તારમાં આગામી બે દિવસ સુધી હળવો વરસાદ થવાનું અનુમાન છે.

14 નવેમ્બર દરમિયાન હરિયાણા, ચંદીગઢ, દિલ્હી અને પંજાબમાં, 14-15 નવેમ્બરે પશ્ચિમી રાજસ્થાન અને પશ્ચિમી ઉત્તર પ્રદેશમાં તથા 15 નવેમ્બરે પૂર્વી રાજસ્થાનમાં ક્યાંક-ક્યાંક હળવો વરસાદ થવાની શક્યતા છે. 14 નવેમ્બરે જમ્મુ-કાશ્મીર વિસ્તારમાં અને 14-15 નવેમ્બરે પશ્ચિમી રાજસ્થાનમાં 40-60 કિલોમીટર પ્રતિ કલાકની ઝડપે તેજ પવનો ફૂંકાઈ શકે છે. 14-19 નવેમ્બર દરમિયાન અંદમાન અને નિકોબાર દ્વીપસમૂહમાં વ્યાપક વરસાદ તથા 14-16 નવેમ્બર વચ્ચે ભારે વરસાદની ચેતવણી જારી કરવામાં આવી છે. 18-19 નવેમ્બર દરમિયાન ગંગાના મેદાની પશ્ચિમ બંગાળ અને ઓડિશામાં કેટલાક સ્થળો પર વરસાદ તથા ઓડિશામાં ભારે વરસાદ થવાની શક્યતા છે. 14-17 નવેમ્બર દરમિયાન અંદમાન અને નિકોબાર દ્વીપસમૂહમાં વાવાઝોડા સાથે 40-60 કિમી પ્રતિ કલાકની ઝડપે તેજ પવનો ફૂંકાઈ શકે છે.

દક્ષિણ દ્વીપકલ્પીય ભારતના લક્ષદ્વીપ, કેરળ, માહે, તમિલનાડુ, પુડુચેરી, કરાઈકલ અને તટીય આંધ્ર પ્રદેશના ઘણા વિસ્તારોમાં 14-19 નવેમ્બર દરમિયાન વરસાદની ગતિવિધિઓ જોવા મળશે. જ્યારે, તમિલનાડુ, પુડુચેરી અને કરાઈકલમાં રવિવારે તથા 16-19 નવેમ્બર દરમિયાન કેરળ અને માહેમાં વ્યાપકપણે ભારે વરસાદ થવાની શક્યતા છે. આ સિવાય, તટીય આંધ્ર પ્રદેશ અને યનમમાં કેટલાક સ્થળોએ 18-19 નવેમ્બરે ભારે વરસાદ થવાની શક્યતા છે.

હિન્દુસ્થાન સમાચાર / શ્રદ્ધા દ્વિવેદી / પવન કુમાર

હિન્દુસ્થાન સમાચાર / ડો.હિતેશ એન.વ્યાસ