નવી દિલ્હી, 03 નવેમ્બર (હિ.સ.). કેન્દ્રીય ગૃહ અને સહકાર મંત્રી અમિત શાહે, મંગળવારે આંધ્ર પ્રદેશના મુખ્યમંત્રી એન. ચંદ્રબાબુ નાયડુ સાથે ટેલિફોન પર વાતચીત કરીને રાજ્યમાં ચક્રવાત 'મુરાસુ'ને કારણે સર્જાયેલી સ્થિતિ અને તેની અસરોની વિસ્તૃત માહિતી મેળવી. શાહે આ કુદરતી આફતનો સામનો કરવા માટે મુખ્યમંત્રીને કેન્દ્ર સરકાર વતી શક્ય તમામ સહાય અને સમર્થનનું સંપૂર્ણ આશ્વાસન આપ્યું છે.

અમિત શાહે એક્સ પર માહિતી શેર કરતા લખ્યું, રાષ્ટ્રીય આપત્તિ પ્રતિભાવ દળ (એનડીઆરએફ) અને રાજ્ય આપત્તિ પ્રતિભાવ દળ (એસડીઆરએફ)ની ટીમો પહેલાથી જ અસરગ્રસ્ત વિસ્તારોમાં તૈનાત છે. આ ટીમો ઘટનાસ્થળે સક્રિયપણે રાહત અને બચાવ કાર્ય ચલાવી રહી છે અને ચક્રવાત પ્રભાવિત વિસ્તારોના લોકો સુધી તાત્કાલિક મદદ પહોંચાડી રહી છે. તેમણે સ્પષ્ટ કર્યું કે કોઈપણ પ્રકારની કટોકટીનો સામનો કરવા માટે કેન્દ્ર સરકાર પૂરી દ્રઢતા અને મક્કમ ઇરાદા સાથે આંધ્ર પ્રદેશની જનતા સાથે ખભે ખભા મિલાવીને ઊભી છે.

હિન્દુસ્થાન સમાચાર / શ્રદ્ધા દ્વિવેદી / મુકુંદ

હિન્દુસ્થાન સમાચાર / ડો.હિતેશ એન.વ્યાસ