નવી દિલ્હી, 13 ફેબ્રુઆરી (હિ.સ.) પ્રાઈમ વિડીયો અને એટરનલ સનશાઇન પ્રોડક્શન્સ વચ્ચેના

સહયોગથી બનેલ ડોન્ટ બી શાય એ લંડનમાં, પ્રાઇમ વિડીયો પ્રેઝન્ટ્સ:

ઇન્ટરનેશનલ ઓરિજિનલ્સ ઇવેન્ટમાં નોંધપાત્ર ધ્યાન ખેંચ્યું હતું. 12 ફેબ્રુઆરીના રોજ

આ ઇવેન્ટમાં આલિયા ભટ્ટ અને નિખિલ માધોક સ્ટેજ પર સાથે દેખાયા હતા. આ ઇવેન્ટમાં આ

એકમાત્ર ભારતીય ટાઇટલ હતું જેણે આંતરરાષ્ટ્રીય ધ્યાન ખેંચ્યું હતું. આ ફિલ્મ 20 વર્ષીય શ્યામલી

શાય દાસની વાર્તા છે, જેનું સ્થાયી જીવન એક અણધાર્યા વળાંકથી સંપૂર્ણપણે ઉથલપાથલ થઇ

જાય છે.

ચર્ચા દરમિયાન, આલિયા ભટ્ટે શેર કર્યું કે, તે સ્વાભાવિક રીતે મજબૂત સ્ત્રી

પાત્રો તરફ આકર્ષાય છે, પરંતુ ફિલ્મમાં

રસપ્રદ પુરુષ પાત્રો પણ છે. તેણીએ કહ્યું, આ ફિલ્મમાં બે પુરુષ પાત્રો ખૂબ જ તાજા

દ્રષ્ટિકોણથી રજૂ કરવામાં આવ્યા છે, જેના માટે હું ઉત્સાહિત છું. દરમિયાન, પ્રાઇમ વિડીયો

ઇન્ડિયાના ઓરિજિનલ્સના ડિરેક્ટર અને હેડ નિખિલ માધોકે સમજાવ્યું કે,” પ્લેટફોર્મ

હંમેશા સ્ત્રી-પ્રથમ વાર્તાઓને પ્રોત્સાહન આપે છે, વાર્તાઓ જેમાં

સ્ત્રી પાત્રો શક્તિ, સૂક્ષ્મતા અને

પોતાની પસંદગીઓ વ્યક્ત કરવાની સ્વતંત્રતા સાથે લખાયેલા છે.” તેમણે એમ પણ કહ્યું કે,”

કેમેરાની સામે અને પાછળ બંને જગ્યાએ નવી પ્રતિભાઓને તક આપવી એ પ્રાથમિકતા છે, અને ડોન્ટ

બી શાય આ અભિગમનું એક ઉત્તમ ઉદાહરણ છે.”

આલિયાએ ફિલ્મની શૈલીને ક્લાસિક અને ફ્રેશનું મિશ્રણ ગણાવતા

કહ્યું કે,” તેમાં ઉનાળા અને રજાઓની ફિલ્મ જેવી નોસ્ટાલ્જિક લાગણી છે, પરંતુ એક નવા

અવાજ અને ઉર્જા સાથે. આલિયા અને શાહીન ભટ્ટ દ્વારા એટરનલ સનશાઇન પ્રોડક્શન્સ હેઠળ

નિર્મિત, આ ફિલ્મ શ્રીતિ

મુખર્જી દ્વારા લખાયેલી અને દિગ્દર્શિત છે.”

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / ડો.હિતેશ એન.વ્યાસ