પાટણ, 23 માર્ચ (હિ.સ.)પાટણ નગરપાલિકાની વર્ષ 2026ની ચૂંટણી પૂર્વે પ્રાથમિક મતદાર યાદી જાહેર કરવામાં આવી છે. 20 માર્ચ, 2026ના રોજ જનરેટ થયેલા રિપોર્ટ મુજબ પાટણ શહેરના કુલ 11 વોર્ડમાં 1,08,999 મતદારો નોંધાયા છે. આ યાદી ચૂંટણી પૂર્વેની મહત્વપૂર્ણ તૈયારીનો ભાગ છે.

કુલ મતદારોમાં 56,531 પુરુષ અને 52,458 સ્ત્રી મતદારોનો સમાવેશ થાય છે, જેમાં પુરુષ મતદારોની સંખ્યા સ્ત્રી મતદારો કરતાં વધુ છે. ઉપરાંત, આ યાદીમાં 10 ત્રીજી જાતિના મતદારોનો પણ સમાવેશ કરવામાં આવ્યો છે, જે સમાવેશી લોકતંત્રને દર્શાવે છે.

વોર્ડવાર આંકડાઓ મુજબ, વોર્ડ નંબર 11માં સૌથી વધુ 11,752 મતદારો નોંધાયા છે, જ્યારે વોર્ડ નંબર 3માં સૌથી ઓછા 8,218 મતદારો છે. અન્ય વોર્ડમાં વોર્ડ 1માં 9,627, વોર્ડ 2માં 9,248, વોર્ડ 4માં 8,517, વોર્ડ 5માં 10,482, વોર્ડ 6માં 9,640, વોર્ડ 7માં 9,776, વોર્ડ 8માં 9,869, વોર્ડ 9માં 11,634 અને વોર્ડ 10માં 10,236 મતદારો નોંધાયા છે. ખાસ કરીને, વોર્ડ 10ના વિભાગ નંબર 5માં સૌથી વધુ 8 ત્રીજી જાતિના મતદારો નોંધાયા છે.

હિન્દુસ્થાન સમાચાર / હાર્દિક રાઠોડ