નવી દિલ્હી, 08 માર્ચ (હિ.સ.)

પ્રધાનમંત્રી નરેન્દ્ર મોદીએ રવિવારે આંતરરાષ્ટ્રીય મહિલા દિવસ નિમિત્તે રાષ્ટ્રની

મહિલા શક્તિને શુભેચ્છાઓ પાઠવી. પ્રધાનમંત્રીએ રાષ્ટ્ર નિર્માણ અને ભારતની

પ્રગતિમાં મહિલાઓની વધતી ભૂમિકા અને તેમના અટલ નિશ્ચયની પ્રશંસા કરી.

પ્રધાનમંત્રી મોદીએ આ પ્રસંગે કહ્યું, દરેક ક્ષેત્રમાં

મહિલાઓ તેમની સર્જનાત્મકતા,

અપ્રતિમ ઉત્સાહ

અને નિશ્ચયથી દેશના ભવિષ્યને આકાર આપી રહી છે. મહિલાઓની સિદ્ધિઓ માત્ર રાષ્ટ્ર

માટે ગર્વનો સ્ત્રોત નથી પણ 'વિકસિત ભારત' બનાવવાના આપણા સામૂહિક સંકલ્પને પણ મજબૂત બનાવે છે.

તેમણે કહ્યું કે,” છેલ્લા દાયકામાં કેન્દ્ર સરકારની વિવિધ

યોજનાઓ અને પહેલોમાં મહિલા સશક્તિકરણ મુખ્ય રહ્યું છે. સરકાર દરેક મહિલાને તેની

સંપૂર્ણ ક્ષમતાનો અનુભવ કરાવવા અને વિકાસના માર્ગ પર સમાન તકો પૂરી પાડવા માટે સતત

કામ કરી રહી છે.”

તેમણે કહ્યું કે,” ભારતની મહિલા શક્તિની સિદ્ધિઓ ગર્વનો

સ્ત્રોત છે અને રાષ્ટ્ર નિર્માણમાં તેમની પરિવર્તનશીલ ભૂમિકાની શક્તિશાળી યાદ

અપાવે છે. જેમ જેમ ભારત પ્રગતિ કરશે, તેમ તેમ મહિલાઓની આકાંક્ષાઓ અને યોગદાન એક મજબૂત અને સમૃદ્ધ

રાષ્ટ્ર તરફની આપણી સામૂહિક યાત્રાને માર્ગદર્શન આપતા રહેશે.”

પોતાના સંદેશમાં, પ્રધાનમંત્રીએ

છેલ્લા 10 વર્ષોમાં

મહિલાઓના જીવનમાં આવેલા સકારાત્મક ફેરફારો અને તેમની સશક્તિકરણ યાત્રાની ઝલક પણ

શેર કરી.

હિન્દુસ્થાન સમાચાર / શ્રદ્ધા દ્વિવેદી / મુકુંદ

હિન્દુસ્થાન સમાચાર / માધવી વ્યાસ