નવી દિલ્હી, 8 માર્ચ (હિ.સ.). રવિવારે કર્તવ્ય પથ પર મહિલા શક્તિનો ઉજાસ જોવા મળ્યો. આંતરરાષ્ટ્રીય મહિલા દિવસ નિમિત્તે મહિલા અને બાળ કલ્યાણ મંત્રાલય દ્વારા આયોજિત શક્તિ પદયાત્રામાં જીવનના તમામ ક્ષેત્રોની મહિલાઓએ ભાગ લીધો. મહિલા અને બાળ વિકાસ મંત્રી અન્નપૂર્ણા દેવીએ આ પદયાત્રાનું ઉદ્ઘાટન કર્યું. દિલ્હીના મુખ્યમંત્રી રેખા ગુપ્તા, રાજ્યમંત્રીઓ સાવિત્રી ઠાકુર, અનુપ્રિયા પટેલ અને રાષ્ટ્રીય મહિલા આયોગના અધ્યક્ષ વિજયા રહાટકર પણ હાજર રહ્યા હતા. તમામ મહિલાઓએ ઇન્ડિયા ગેટથી વિજય ચોક સુધી ચાલીને મહિલા શક્તિ અને સશક્તિકરણની ઉજવણી કરી.

મહિલા અને બાળ વિકાસ મંત્રી અન્નપૂર્ણા દેવીએ તમામ મહિલાઓને અભિનંદન આપતા કહ્યું કે, ભારતની મહિલા શક્તિ સંરક્ષણ, વિજ્ઞાન, રમતગમત, ઉદ્યોગસાહસિકતા અને શાસનથી લઈને દરેક ક્ષેત્રમાં નવી સીમાઓ તોડી રહી છે. વડા પ્રધાન નરેન્દ્ર મોદીના નેતૃત્વ હેઠળ, મહિલાઓને સશક્ત બનાવવા માટે અસંખ્ય પહેલ અને તકો સુનિશ્ચિત કરવામાં આવી છે, જેનાથી તેઓ રાષ્ટ્ર નિર્માણના પ્રયાસોનું આત્મવિશ્વાસપૂર્વક નેતૃત્વ કરી શકે છે.

તેમણે કહ્યું કે, વિકસિત ભારતની મહિલાઓ વિકસિત ભારતનો પાયો છે. દિલ્હીના મુખ્યમંત્રી રેખા ગુપ્તાએ કહ્યું કે, આંતરરાષ્ટ્રીય મહિલા દિવસ એ મહિલા સશક્તિકરણ પ્રત્યેની પ્રતિબદ્ધતાનો ઉજવણી છે. તેમણે કહ્યું કે, શક્તિ પદયાત્રાનો હેતુ મહિલાઓની સિદ્ધિઓની ઉજવણી કરવાનો, તેમને પ્રેરણા આપવાનો અને સમાજમાં એ માન્યતાને મજબૂત કરવાનો છે કે જ્યારે મહિલા શક્તિ આગળ વધે છે, ત્યારે રાષ્ટ્રની પ્રગતિને નવી ગતિ મળે છે. સેનાથી પોલીસ સુધી, આરોગ્યસંભાળથી રમતગમત સુધી, શાસનથી લઈને પાયાના સામાજિક પ્રયાસો સુધી, ભારતની મહિલા શક્તિ દરેક ક્ષેત્રમાં નવા રેકોર્ડ બનાવી રહી છે.

હિન્દુસ્થાન સમાચાર / વિજયાલક્ષ્મી / મુકુન્દ

હિન્દુસ્થાન સમાચાર / માધવી વ્યાસ