કાઠમંડુ, નવી દિલ્હી, 02 મે (હિ.સ.). ભારતના વિદેશ સચિવની નેપાળ મુલાકાત નક્કી થઈ ગઈ છે. નેપાળના વિદેશ સચિવ અમૃત બહાદુર રાયના આમંત્રણ પર, ભારતના વિદેશ સચિવ વિક્રમ મિસ્રીની બે દિવસીય નેપાળ મુલાકાત નક્કી કરવામાં આવી છે. નેપાળના વિદેશ મંત્રાલય દ્વારા આપવામાં આવેલી માહિતી મુજબ, મિસ્રી 11-12 મેના રોજ કાઠમંડુની મુલાકાતે આવવાના છે.

નેપાળમાં બાલેન્દ્ર શાહના નેતૃત્વમાં સરકાર બન્યા બાદ ભારત તરફથી આ પ્રથમ રાજદ્વારી મુલાકાત હશે. વિદેશ મંત્રાલયના જણાવ્યા અનુસાર, ભારતના વિદેશ સચિવ 11 મેના રોજ કાઠમંડુ પહોંચવાના છે. આ માટે નેપાળના વિદેશ સચિવ અમૃત બહાદુર રાય તરફથી તેમને મુલાકાત માટેનું ઔપચારિક પત્ર મોકલી દેવામાં આવ્યું છે. પોતાની કાઠમંડુ મુલાકાત દરમિયાન તેઓ વિદેશ મંત્રી શિશિર ખનાલ, નાણામંત્રી સ્વર્ણિમ વાગલે અને ઉર્જા મંત્રી વિરાજ ભક્ત શ્રેષ્ઠને મળવાના છે. આ ઉપરાંત સત્તારૂઢ પક્ષ રાષ્ટ્રીય સ્વતંત્ર પાર્ટીના અધ્યક્ષ રવિ લામિછાને સાથે પણ તેમની મુલાકાત નક્કી કરવામાં આવી છે.

મિસ્રીની સાથે ભારતના વિદેશ મંત્રાલયના નોર્થ ડેસ્કના ઈન્ચાર્જ એડિશનલ સેક્રેટરી મનુ મહાવર પણ નેપાળ પહોંચી રહ્યા છે.

તાજેતરમાં દિલ્હીની મુલાકાતે આવેલા નેપાળના પત્રકારોના એક જૂથ સાથેની મુલાકાત દરમિયાન વિદેશ સચિવ મિસ્રીએ પોતે પણ કહ્યું હતું કે, તેઓ ટૂંક સમયમાં નેપાળની મુલાકાત લેવાના છે. તેમણે નેપાળમાં નવી સરકાર સાથે દરેક ક્ષેત્રમાં સહયોગ ચાલુ રાખવાની વાત પણ કરી હતી.

હિન્દુસ્થાન સમાચાર / પંકજ દાસ / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ