દક્ષિણ 24 પરગણા, નવી દિલ્હી, 2 મે (હિ.સ.). દક્ષિણ 24 પરગણા જિલ્લામાં શનિવારે ડાયમંડ હાર્બર વિધાનસભા મતવિસ્તારના 4 અને મગરાહાટ પશ્ચિમ વિધાનસભા મતવિસ્તારના 11 બૂથ પર પુનઃમતદાન શાંતિપૂર્ણ માહોલમાં શરૂ થયું. મતદાન સવારે 7 વાગ્યે શરૂ થઈને સાંજે 6 વાગ્યા સુધી ચાલુ રહેશે.

ચૂંટણી પંચના નિર્દેશ પર મગરાહાટ પશ્ચિમના 11 બૂથ અને ડાયમંડ હાર્બરના 4 બૂથ પર પુનઃમતદાન યોજવામાં આવી રહ્યું છે. જે બૂથ પર મતદાન થઈ રહ્યું છે, તેમાં મગરાહાટ પશ્ચિમના બૂથ સંખ્યા 46, 126, 127, 128, 142, 214, 215, 216, 230, 231 અને 232 તથા ડાયમંડ હાર્બરના બૂથ સંખ્યા 117, 179, 194 અને 243 નો સમાવેશ થાય છે.

સવારથી જ તમામ મતદાન કેન્દ્રો પર ચુસ્ત સુરક્ષા વ્યવસ્થા જોવા મળી હતી. કેન્દ્રીય દળોના જવાનોની સાથે રાજ્ય પોલીસ પણ સતર્કતાથી તૈનાત છે. કોઈપણ અપ્રિય ઘટનાને રોકવા માટે મતદાન કેન્દ્રોની બહાર ભીડ એકઠી થવા પર સંપૂર્ણ પ્રતિબંધ લાદવામાં આવ્યો છે અને વિસ્તારમાં સતત પેટ્રોલિંગ કરવામાં આવી રહ્યું છે.

પ્રથમ કલાકની મતદાન પ્રક્રિયા દરમિયાન કોઈ પણ પ્રકારની ગરબડ અથવા અપ્રિય ઘટનાની જાણકારી મળી નથી. વહીવટીતંત્રે સમગ્ર પ્રક્રિયા શાંતિપૂર્ણ અને નિષ્પક્ષ રીતે સંપન્ન કરવા માટે વ્યાપક વ્યવસ્થા કરી છે.

હિન્દુસ્થાન સમાચાર / અભિમન્યુ ગુપ્તા / સંતોષ મધુપ / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ