સિલીગુડી, 25 મે (હિ.સ.) પશ્ચિમ બંગાળના ખોરીબાડી વિસ્તારમાં વડાપ્રધાન નરેન્દ્ર મોદીની દિવંગત માતા વિશે કથિત આપત્તિજનક ટિપ્પણી કરવામાં આવ્યા બાદ વિવાદ ઊભો થયો છે. આ મામલે ભારતીય જનતા પાર્ટી (ભાજપ)ના નેતાઓએ ખોરીબારી પોલીસ સ્ટેશનમાં લેખિત ફરિયાદ નોંધાવી હતી, જેના પછી પોલીસે મુખ્ય આરોપીની ધરપકડ કરી લીધી છે.

ભાજપના જણાવ્યા અનુસાર, બિન્નાબારી પંચાયતના દેવીગંજ નિવાસી મુન્ના સિંહે સોશિયલ મીડિયા પર શેર કરવામાં આવેલા એક વીડિયોમાં વડાપ્રધાન નરેન્દ્ર મોદી અને તેમની દિવંગત માતા વિરુદ્ધ અભદ્ર ટિપ્પણી કરી હતી. વીડિયો વાયરલ થયા બાદ વિસ્તારના લોકોમાં ભારે રોષ ફેલાઈ ગયો હતો.

આ મામલે ભાજપના સિલીગુડી સંગઠનાત્મક જિલ્લા સચિવ અનિલ કુમાર રાય સહિત અનેક નેતાઓ અને કાર્યકર્તાઓએ આરોપી સામે કડક કાનૂની કાર્યવાહીની માંગ કરી હતી.

પોલીસ સૂત્રોના જણાવ્યા અનુસાર, ફરિયાદના આધારે મુખ્ય આરોપી મુન્ના સિંહની ધરપકડ કરવામાં આવી છે. આ ઉપરાંત તેના એક સાથીદારની પણ અટકાયત કરવામાં આવી છે. બંને આરોપીઓને સોમવારે સિલીગુડી સબ-ડિવિઝનલ કોર્ટમાં રજૂ કરવામાં આવશે. હાલમાં, પોલીસે સમગ્ર મામલાની તપાસ શરૂ કરી દીધી છે.

હિન્દુસ્થાન સમાચાર / સચિન કુમાર / સંતોષ મધુપ / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ