નવી દિલ્હી, 15 જુલાઈ (હિ.સ.) ગુજરાતના મુખ્યમંત્રી ભૂપેન્દ્ર પટેલના જન્મદિવસ નિમિત્તે વડાપ્રધાન નરેન્દ્ર મોદી, લોકસભા અધ્યક્ષ ઓમ બિરલા, કેન્દ્રીય ગૃહ અને સહકાર મંત્રી અમિત શાહ અને સંરક્ષણ મંત્રી રાજનાથ સિંહ સહિત દેશના અનેક વરિષ્ઠ નેતાઓએ તેમને શુભેચ્છાઓ પાઠવી તથા તેમના સ્વસ્થ, દીર્ઘાયુ અને સફળ જીવનની કામના કરી.

વડાપ્રધાન નરેન્દ્ર મોદીએ બુધવારે એક્સ (એક્સ ) પરના સંદેશમાં શુભેચ્છાઓ પાઠવતા જણાવ્યું કે, મુખ્યમંત્રી ભૂપેન્દ્ર પટેલ ગુજરાતને વિકાસની નવી ઊંચાઈઓ પર લઈ જવા અને જનતાની અપેક્ષાઓ પૂરી કરવામાં અગ્રણી ભૂમિકા ભજવી રહ્યા છે. તેમણે તેમના લાંબા અને સ્વસ્થ જીવનની કામના કરી.

લોકસભા અધ્યક્ષ ઓમ બિરલાએ મુખ્યમંત્રી ભૂપેન્દ્ર પટેલને, જન્મદિવસની શુભેચ્છાઓ પાઠવતા ઈશ્વરને તેમના ઉત્તમ સ્વાસ્થ્ય, પ્રસન્ન અને મંગલમય જીવન માટે પ્રાર્થના કરી.

કેન્દ્રીય ગૃહમંત્રી અમિત શાહે પણ મુખ્યમંત્રી ભૂપેન્દ્ર પટેલને જન્મદિવસની શુભેચ્છાઓ પાઠવતા જણાવ્યું કે, વડાપ્રધાન મોદીના માર્ગદર્શન હેઠળ તેઓ ગુજરાતની વિકાસ યાત્રાને નિરંતર આગળ વધારવામાં મહત્ત્વપૂર્ણ ભૂમિકા ભજવી રહ્યા છે. તેમણે ભગવાન સોમનાથ મહાદેવ પાસે મુખ્યમંત્રીના ઉત્તમ સ્વાસ્થ્ય અને દીર્ઘાયુની કામના કરી.

કેન્દ્રીય માર્ગ અને પરિવહન મંત્રી નીતિન ગડકરીએ ભૂપેન્દ્રભાઈ પટેલને જન્મદિવસની શુભેચ્છાઓ પાઠવતા ઈશ્વરને તેમના ઉત્તમ સ્વાસ્થ્ય, દીર્ઘાયુ અને મંગલમય જીવન માટે પ્રાર્થના કરી.

સંરક્ષણ મંત્રી રાજનાથ સિંહે જણાવ્યું કે, ભૂપેન્દ્ર પટેલ પ્રગતિશીલ વિચારસરણી સાથે ગુજરાતના વિકાસને નવી ગતિ આપવા અને સુશાસનની ભાવનાને સશક્ત બનાવવા માટે સતત કાર્ય કરી રહ્યા છે. તેમણે તેમના સારા સ્વાસ્થ્ય, દીર્ઘાયુ તથા જનસેવા પ્રત્યેના તેમના સમર્પિત જીવન માટે શુભેચ્છાઓ પાઠવી.

કેન્દ્રીય મંત્રી ગજેન્દ્ર સિંહ શેખાવતે જણાવ્યું કે, પ્રદેશમાં થઈ રહેલા નિરંતર વિકાસ તથા જનતાના કલ્યાણ પ્રત્યે તમારી કટિબદ્ધતા પ્રશંસનીય છે, આશા છે કે પ્રભુ શ્રી રામની કૃપાદૃષ્ટિ આપના પર સદૈવ બની રહે.

મધ્ય પ્રદેશના મુખ્યમંત્રી મોહન યાદવે ભૂપેન્દ્ર પટેલને જન્મદિવસની શુભેચ્છાઓ પાઠવતા જણાવ્યું કે, દ્વારકાધીશ ભગવાનને પ્રાર્થના છે કે તેઓ તમને ઉત્તમ સ્વાસ્થ્ય, દીર્ઘાયુ અને સુખમય જીવનના આશીર્વાદ પ્રદાન કરે. તમારા કુશળ નેતૃત્વમાં ગુજરાત નિરંતર પ્રગતિ અને જનકલ્યાણના નવા કીર્તિમાન સ્થાપિત કરતું રહે.

મુખ્યમંત્રી ભૂપેન્દ્ર પટેલના જન્મદિવસ નિમિત્તે ભાજપના રાષ્ટ્રીય અધ્યક્ષ નીતિન નવીન, હરિયાણાના મુખ્યમંત્રી નાયબ સિંહ સૈની સહિત દેશના શીર્ષ નેતૃત્વએ શુભેચ્છા સંદેશ પાઠવતા તેમના નેતૃત્વ અને વિકાસ કાર્યો પ્રત્યે વિશ્વાસ અને સન્માનનો ભાવ પ્રગટ કર્યો.

હિન્દુસ્થાન સમાચાર / માધવી ત્રિપાઠી / મુકુંદ

હિન્દુસ્થાન સમાચાર / માધવી વ્યાસ