ઇસ્લામાબાદ, નવી દિલ્હી, 17 જુલાઈ (હિ.સ.). પાકિસ્તાનના અશાંત ખૈબર પખ્તુનખ્વા પ્રાંતના પોલીસ અને આતંકવાદ વિરોધી વિભાગે ગુરુવારે બન્નુ જિલ્લામાં ગુપ્ત માહિતી આધારિત કાર્યવાહીમાં પાંચ આતંકવાદીઓને ઠાર માર્યા. તેમની પાસેથી રાઇફલ્સ અને મોટી માત્રામાં દારૂગોળો જપ્ત કરવામાં આવ્યો.

દુનિયા ન્યૂઝ અનુસાર, સૈનિકોને જોઈને, આતંકવાદીઓએ અંધાધૂંધ ગોળીબાર શરૂ કર્યો. ગોળીબારમાં પાંચ શંકાસ્પદ આતંકવાદીઓ માર્યા ગયા, જ્યારે ઘણા અન્ય ભાગી જવામાં સફળ રહ્યા. એન્કાઉન્ટર બાદ, મોટી પોલીસ ટુકડી ઘટનાસ્થળે પહોંચી અને ભાગી રહેલા શંકાસ્પદોને પકડવા માટે વિસ્તારમાં સર્ચ ઓપરેશન શરૂ કર્યું.

પોલીસે જણાવ્યું કે, માર્યા ગયેલા આતંકવાદીઓની ઓળખ ચાલુ છે. તેમની પાસેથી પાંચ કલાશ્નિકોવ એસોલ્ટ રાઇફલ, દસ મેગેઝિન, પાંચ બેન્ડોલિયર, બે હેન્ડ ગ્રેનેડ અને મોટી માત્રામાં દારૂગોળો પણ જપ્ત કરવામાં આવ્યો છે. ખૈબર પખ્તુનખ્વાના પોલીસ મહાનિરીક્ષકે જણાવ્યું કે આતંકવાદીઓના સાથીદારોને પણ કાયદેસર રીતે પકડવામાં આવશે.

હિન્દુસ્થાન સમાચાર / મુકુંદ

હિન્દુસ્થાન સમાચાર / માધવી વ્યાસ