નવી દિલ્હી, 20 ઓગસ્ટ (હિ. સ.) કેન્દ્રીય ગૃહમંત્રી અમિત શાહે પૂર્ણ ગીતને બદલે 'વંદે માતરમ્' ના માત્ર બે પંક્તિઓ ગાવાના કોંગ્રેસ કાર્યકારી સમિતિના નિર્ણય પર આકરી પ્રતિક્રિયા આપી છે. તેને રાષ્ટ્ર વિરોધી પગલું ગણાવતા તેમણે આક્ષેપ કર્યો હતો કે, કોંગ્રેસ ફરી એકવાર તુષ્ટિકરણ અને વોટ બેંકની રાજનીતિના માર્ગે પરત ફરી રહી છે.

અમિત શાહે કહ્યું કે, 1937માં કોંગ્રેસે તુષ્ટિકરણ માટે 'વંદે માતરમ્' ને બે ભાગમાં વહેંચવાનો નિર્ણય લીધો હતો. તેમના જણાવ્યા અનુસાર, સમાન રાજનીતિએ દ્વિ-રાષ્ટ્ર સિદ્ધાંતને શક્તિ આપી અને દેશના ભાગલા તરફ દોરી ગઈ.

તેમણે કહ્યું કે, 'વંદે માતરમ્' ના 150મા વર્ષ નિમિત્તે મોદી સરકારે આ ઐતિહાસિક ભૂલને સુધારી અને પૂર્ણ ગીતને કાયદેસર બનાવ્યું. શાહે આરોપ લગાવ્યો કે, રાહુલ ગાંધીના નેતૃત્વમાં કોંગ્રેસ ફરી એકવાર વોટ બેંકની રાજનીતિ માટે તુષ્ટિકરણના એ જ માર્ગ પર ચાલી રહી છે.

અમિત શાહે કોંગ્રેસના નિર્ણયને સંસદ દ્વારા ઘડવામાં આવેલા કાયદાની ઘોર અવગણના ગણાવી હતી. તેમણે દેશવાસીઓને એક થવાની અને કોંગ્રેસની કથિત તુષ્ટિકરણની રાજનીતિ સામે અવાજ ઉઠાવવાની અપીલ કરી હતી. તેમણે કહ્યું કે, દેશે 'વંદે માતરમ્' સાથે અગાઉની ભૂલનું પરિણામ ભોગવવું પડ્યું છે અને આવી ભૂલનું પુનરાવર્તન ન થવું જોઈએ.

હિન્દુસ્થાન સમાચાર /સૌરવ રાય/અનૂપ શર્મા

હિન્દુસ્થાન સમાચાર / માધવી વ્યાસ