નવી દિલ્હી, 23 ઓગસ્ટ (હિ.સ.) વડાપ્રધાન નરેન્દ્ર મોદીએ તાજેતરમાં અવકાશ ક્ષેત્રે કામ કરતા સ્ટાર્ટઅપ્સ સાથે સંકળાયેલા યુવા નેતૃત્વકર્તાઓ સાથે મુલાકાત કરી. આ મુલાકાતમાં તેમણે આશ્વાસન આપ્યું કે સરકાર આ પ્રતિબદ્ધતા સાથે કામ કરી રહી છે કે તેમને લાગે કે કોઈ તેમનો હાથ નહીં છોડે.

વડાપ્રધાનના નિવાસસ્થાને શુક્રવારે થયેલા આ સંવાદનું દૃશ્ય રવિવારે રાષ્ટ્રીય અવકાશ દિવસ નિમિત્તે જાહેર કરવામાં આવ્યું. આમાં વડાપ્રધાને યુવા સ્ટાર્ટઅપ નેતૃત્વકર્તાઓને કહ્યું કે તમે એક નવા ક્ષેત્રમાં સાહસ બતાવ્યું છે. સૌથી મોટી વાત એ છે કે, તમે સરકારની વાત પર ભરોસો કર્યો. દૃશ્ય શેર કરતા વડાપ્રધાને એક્સ પર કહ્યું, “ભારતના કેટલાક સૌથી પ્રતિભાશાળી અવકાશ સ્ટાર્ટઅપ્સ સાથે મુલાકાત થઈ. હંમેશની જેમ, તેમની ઊર્જા અને મહત્વાકાંક્ષાથી હું ખૂબ પ્રભાવિત થયો. તમને તેમની દૂરંદેશી અને આશાવાદ ખૂબ ગમશે. મને જણાવો... ભારતની અવકાશ યાત્રામાં તમને સૌથી વધુ શું ઉત્સાહિત કરે છે?”

દૃશ્યમાં વડાપ્રધાન સ્ટાર્ટઅપ્સને કહે છે, “મારો એક મત રહ્યો છે કે આપણે જે પણ નિર્ણય કરીએ, તેમાં આપણે સુસંગત રહીએ. આપણે વારંવાર તેમાં ફેરફાર ન કરીએ જેથી કોઈ પણ જોખમ લેવા માંગે તો તેને ભરોસો રહે કે મારી ભૂલના કારણે કંઈ ગડબડ થશે તો ઠીક છે, પરંતુ કોઈ મારો હાથ નહીં છોડે અને આ વિશ્વાસ પેદા કરવાનો અમારો પ્રયાસ છે.”

આમાં એક યુવા ઉદ્યોગસાહસિક વડાપ્રધાનને કહે છે કે વૈશ્વિક સ્તરે અમને ખૂબ સારું આકર્ષણ મળ્યું છે. આમાં સરકાર તરફથી પણ ઘણા પ્રયાસો છે કે ભારતીય કંપનીઓને હવે નિકાસ કરવામાં સરકારની મદદ મળી રહી છે.

વડાપ્રધાને આના પર ભારતની ઉદ્યોગસાહસિકતા સાથે જોડાયેલી વિશેષતાનો ઉલ્લેખ કરતા કહ્યું કે, અમારી કિંમતો ખૂબ સ્પર્ધાત્મક છે. પ્રતિભામાં અમારો કોઈ સમકક્ષ નથી અને જોખમ ઉઠાવવાની ક્ષમતા આપણા દેશના લોકોની એમ પણ વધુ હોય છે. આ જ કારણ છે કે આપણે ખૂબ ઝડપથી વૈશ્વિક ફલક પર આપણું સ્થાન બનાવી શકીએ છીએ.

ત્યાં જ, એક અન્ય યુવા નેતૃત્વકર્તાએ કહ્યું કે તેમનું માનવું છે કે અવકાશ ક્ષેત્રના ખુલવાથી એક પરિવર્તન આવ્યું છે. આપણા યુરોપ અને અમેરિકામાં રહેતા ભારતીયો પાછા આપણી સાથે કામ કરવા ઈચ્છી રહ્યા છે.

આના પર વડાપ્રધાને કહ્યું કે આપણે ઘણા લોકોને જોડવાના છે. તેઓ સમજે છે કે આપણે એવી એક આભા ઊભી કરવી જોઈએ કે આ ક્ષેત્રમાં કામ કરતી દુનિયાભરની પ્રતિભાને લાગે કે તેમને પોતાની કારકિર્દી બનાવવી છે તો તેઓ ભારત આવે. ભારતના કોઈ સ્ટાર્ટઅપ સાથે જોડાઈ જાય. ભારતની કોઈ અવકાશ સંસ્થા સાથે જોડાઈ જાય.

તેમણે કહ્યું, “હું ચોક્કસપણે માનું છું. આખો પ્રતિભા સમુહ જે છે, તે એક ચુંબક ની જેમ તમારા કારણે આપણે ખેંચી શકીએ છીએ. અને તે આપણી એક ખૂબ મોટી તાકાત બની શકે છે.”

ઉલ્લેખનીય છે કે, ભારતના ખાનગી અવકાશ ક્ષેત્રે તાજેતરના વર્ષોમાં મહત્વપૂર્ણ પ્રગતિ કરી છે. સ્ટાર્ટઅપ કંપનીઓ ઉપગ્રહ, પ્રક્ષેપણ યાન અને અવકાશ તકનીકના વિકાસમાં સક્રિય ભૂમિકા ભજવી રહી છે. અગ્નિકુલ કોસમોસ, સ્કાયરૂટ એરોસ્પેસ અને પિક્સલ જેવી કંપનીઓએ ભારતની ખાનગી અવકાશ ક્ષમતાને મજબૂત કરી છે. આનાથી અવકાશ ક્ષેત્રમાં નવીનતા, રોકાણ અને વૈશ્વિક સ્પર્ધાને પ્રોત્સાહન મળ્યું છે.

હિન્દુસ્થાન સમાચાર / અનૂપ શર્મા / મુકુંદ

હિન્દુસ્થાન સમાચાર / માધવી વ્યાસ