નવી દિલ્હી, 23 ઓગસ્ટ (હિ.સ.)પ્રધાનમંત્રી નરેન્દ્ર મોદીએ આજે સવારે એક્સ પોસ્ટમાં રાષ્ટ્રીય અવકાશ દિવસની શુભેચ્છાઓ પાઠવી. તેમણે કહ્યું, ''ચાલો, હજુ પણ મોટા સપના જોઈએ. વધુ નવીનતા કરીએ અને નવી સીમાઓ પાર કરીએ...'' વિક્રમ લેન્ડરની સફળતા પછી, પ્રધાનમંત્રી મોદીએ 26 ઓગસ્ટ 2023 ના રોજ બેંગલુરુમાં ભારતીય અવકાશ સંશોધન સંસ્થા (ઇસરો) ના મુખ્યાલયની તેમની મુલાકાત દરમિયાન 23 ઓગસ્ટને 'રાષ્ટ્રીય અવકાશ દિવસ' તરીકે ઉજવવાની જાહેરાત કરી હતી.

વર્ષ 2023 માં 23 ઓગસ્ટના રોજ ભારતે, ચંદ્રના ધ્રુવ નજીક ચંદ્રયાન-3 ના સફળ હળવા ઉતરાણ સાથે એક ઐતિહાસિક સિદ્ધિ હાંસલ કરી હતી. ભારત ચંદ્ર પર અવકાશયાન ઉતારનાર દુનિયાનો ચોથો અને ચંદ્રની સપાટીના દક્ષિણ ધ્રુવ નજીક ઉતરનાર પ્રથમ દેશ બન્યો. વિક્રમ લેન્ડરે ચંદ્રની સપાટીનો અભ્યાસ કરવા માટે પ્રજ્ઞાન રોવરને પણ ચંદ્ર પર ઉતાર્યું. પ્રધાનમંત્રીએ કહ્યું હતું કે આ ઐતિહાસિક મિશનના પરિણામોથી આવનારા વર્ષોમાં માનવતાને લાભ થશે.

ઇસરોએ આજે કહ્યું, ''અમે તમને આજે અમારી સાથે રાષ્ટ્રીય અવકાશ દિવસ તરીકે ઉજવવાની શપથ લેવા માટે આમંત્રિત કરીએ છીએ. સાથે જ ભારતને અગ્રણી અવકાશ શક્તિ બનાવવા માટે અમારી પ્રતિબદ્ધતાની પુષ્ટિ કરીએ છીએ.''

હિન્દુસ્થાન સમાચાર / મુકુંદ

હિન્દુસ્થાન સમાચાર / માધવી વ્યાસ