વડોદરા,1 ઓક્ટોબર (હિ.સ.) પશ્ચિમ રેલ્વેના વડોદરા મંડળમાં 1 થી 15 ઓક્ટોબર, 2025 દરમિયાન “સ્વચ્છતા પખવાડા – 2025”નું આયોજન કરવામાં આવી રહ્યું છે. આ પખવાડિયાનો ઉદ્દેશ્ય સ્વચ્છતાને જન આંદોલનમાં પરિવર્તિત કરવાનો અને રેલ્વે પરિસર અને મુસાફરોની સુવિધાઓમાં સ્વચ્છતાને વધુ મજબૂત અને અસરકારક રીતે પ્રોત્સાહન આપવાનો છે.

આજે, 1 ઓક્ટોબર, 2025 ના રોજ, “સ્વચ્છતા પખવાડા” ની શરૂઆત પ્રતિજ્ઞા સમારોહ અને પ્રભાત ફેરી સાથે કરવામાં આવી હતી. આ પ્રતિજ્ઞા સમારોહ વડોદરા યાર્ડ ખાતેના ચિલ્ડ્રન પાર્કમાં એડિશનલ ડિવિઝનલ રેલ્વે મેનેજર ના નેતૃત્વમાં યોજાયો હતો. સહિત આશરે 200 સહભાગીઓએ સ્વચ્છતા જાળવવાની પ્રતિજ્ઞા લીધી અને અભિયાનને સફળ બનાવવાનો સંકલ્પ લીધો.

કાર્યક્રમના ભાગ રૂપે, સ્વચ્છતા અને પર્યાવરણ સંરક્ષણનો સંદેશ ફેલાવવા માટે પ્રભાત ફેરીનું આયોજન કરવામાં આવ્યું હતું. આ પદયાત્રા મિકેનિકલ ટ્રેનિંગ સ્કૂલથી શરૂ થઈ અને ચિલ્ડ્રન્સ પાર્ક ખાતે સમાપ્ત થઈ, જ્યાં રેલવે કર્મચારીઓ અને સ્કાઉટ-ગાઈડ્સ સભ્યોએ ઉત્સાહપૂર્વક ભાગ લીધો.

આ પ્રસંગે, FICCI, વડોદરાના સહયોગથી ચિલ્ડ્રન્સ પાર્કમાં વૃક્ષારોપણ કરવામાં આવ્યું. ડૉ. દીપાલી તિવારીએ વધતા વાયુ પ્રદૂષણ પર ચિંતા વ્યક્ત કરી અને વૃક્ષારોપણને હવાની ગુણવત્તા સુધારવા માટે અસરકારક માધ્યમ ગણાવ્યું. નીરજ ધામિજાએ માહિતી આપી કે FICCI અને પશ્ચિમ રેલવે વચ્ચે થયેલા સમજૂતી કરાર (MoU) હેઠળ, આ વર્ષે વિભાગમાં વિવિધ સ્થળોએ 3,000 થી 6,000 વૃક્ષો વાવવામાં આવશે.

આ ઉપરાંત, MTU કેમ્પસમાં મહિલા કર્મચારીઓ અને રેલવે રહેણાંક વિસ્તારોની મહિલાઓ માટે આરોગ્ય તપાસ શિબિરનું આયોજન કરવામાં આવ્યું હતું, જ્યાં મોટી સંખ્યામાં મહિલાઓએ મફત આરોગ્ય તપાસનો લાભ લીધો હતો.

આ કાર્યક્રમોનો મુખ્ય ઉદ્દેશ્ય પર્યાવરણીય સંરક્ષણ, આરોગ્ય જાગૃતિ અને સામાજિક ભાગીદારીને પ્રોત્સાહન આપવાનો છે.

હિન્દુસ્થાન સમાચાર / યજુવેન્દ્ર દુબે