સુરત, 13 ઓક્ટોબર (હિ.સ.): શહેરમાં મોબાઈલ ચોરી અને સ્નેચીંગના બનાવો વધી રહયા છે. લોકો મોબાઈલ ચોરો અને સ્નેચરોના શિકાર બની રહયા છે. આ પરિસ્થિતિઓ વચ્ચે ઉધના પોલીસને મોટી સફળતા હાથ લાગવાની સાથો સાથ એક ચોંકાવનારી વાત પણ સામે આવી છે. પોલીસે શહેરના અલગ અલગ વિસ્તારોમાંથી ચોરાયેલા મોબાઈલ સાથે ત્રણ આરોપીઓને ઝડપી પાડયા છે અને આરોપીઓ પાસેથી અલગ અલગ કંપનીના રૂ.16.79 લાખની કિંમતના 279 મોબાઈલ કબ્જે કરાયા છે. એટલુંજ નહીં પકડાયેલા ત્રણ આરોપીઓ પૈકી એક આરોપી એયર ઇન્ડિયામાં એન્જીનીયર છે. સા સાથે જ પોલીસે શહેરના અલગ અલગ પોલીસ સ્ટેશનોમાં નોંધાયેલા મોબાઈલ ચોરીના ગુના ભેદ પણ ઉકેલી લીધા છે. એટલુંજ નહીં બે આરોપીઓ ભીડભાડવાળા વિસ્તારો તેમજ બીઆરટીએસ બસોમાં મુસાફરોને ટાર્ગેટ કરી મોબાઈલ ચોરી કરતા હતા અને એન્જીનીયરને વેચી દેતા હતા.

સુરત શહેર પોલીસ કમિશ્નર અનુપમસિંહ ગહલૌત સહીતના પોલીસ અધિકારીઓએ મોબાઇલ ચોરીના બનતા ગુનાઓ ડિટેક્ટ કરવા જરૂરી સુચના આપી હતી. આ સુચના અનુસંધાને ઉધના પોલીસ સ્ટેશનના પીઆઇ એસ.એન.દેસાઇ તથા સેકન્ડ પીઆઇ જે.એસ.ઝાંબરે નાઓના માર્ગદર્શન હેઠળ સર્વેલન્સ સ્ટાફના માણસો પેટ્રોલીંગમાં હતા તે દરમ્યાન બાતમીના આધારે ઉંઘના ખત્રી નગર પાસે બ્રીજ નીચેથી આરોપીઓ રવી રૂમાલભાઇ રાજનટ અને સંતોષ ઉર્ફે લંગડા બાબુભાઇ ગાયકવાડ ( બંને રહે સંતોષીનગર ઝુપડપટ્ટી નવાગામ, ડીંડૉલી ) નાઓને ઝડપી પાડયા હતા. અને તેમની પાસેથી કુલ્લે 15 મોબાઇલ કબ્જે કર્યા હતા. જયારે આ બંન્ને આરોપીને વધુ પુછ પૂછપરછ કરતાં તેઓએ જેને મોબાઈલ વેચાણ માટે આપતા હતા તે આરોપી ધીરજ રવિન્દ્રભાઇ ઝોપે ( રહે - જગદમ્બાનગર, સી.આર.પાટીલ રોડ પાસે ડીંડોલી ) ની પણ ધરપકડ કરવામાં આવી હતી.અને તેના ઘરે જઈ તપાસ કરતા ત્યાંથી કુલ્લે 279 અગલ અગલ કંપનીના મોબાઇલ મળી આવ્યા હતા. આ સાથે જ પોલીસે ત્રણેય આરોપીઓની ધરપકડ કરી કુલ્લે રૂ. 16.79 લાખની કિંમતના મોબાઈલ કબ્જે કર્યા હતા. વધુમાં પોલીસ દવારા મોબાઇલ ફોન વિશે પૂછપરછ કરતા આરોપીઓએ સુરત શહેરના અલગ અલગ વિસ્તારમાંથી લોકોની વધુ પડતી ભીડ હોય ત્યાં લોકોની નજર ચુકવી તેમના ખીસ્સામાંઓથી તથા બી.આર.ટી.એસ. બસમાં મુસાફરી કરતા પેસેજંરોની નજર ચુકવી ભીડનો લાભ લઇ ચોરી કર્યા હોવાની કબૂલાત કરી હતી.આરોપીઓની ધરપકડ કરવાની સાથો સાથ પોલીસે અલગ અલગ પોલીસ મથકોમાં નોંધાયેલા 12 ગુનાના ભેદ પણ ઉકેલી કાઢવામાં આવ્યો હતો. આ સિવાય પોલીસે જણાવ્યું હતું પકડાયેલા ત્રણ આરોપીઓ પૈકી આરોપી સંતોષ ઉર્ફે લંગડા બહુજ રીઢો છે,તેની વિરુદ્ધમાં શહેરના અલગ અલગ પોલીસ મથકોમાં 16 ગુના નોંધાયેલા છે. પોલસીએ આરોપીઓ વિરુદ્ધ આગળની વધુ કાર્યવાહી હાથ ધરી છે.

આરોપી એંજિનિયર ચોરીના મોબાઈલના મધર બોર્ડ્સ સહિતના પાર્ટ્સ કાઢીને વેચતો હતો

ઉધના પોલીસે મોબાઈલ ચોરીના ગુનામાં ત્રણ આરોપીઓને ઝડપી પાડયા છે,અને તેમની પુછપરછ કરી હતી.પુછપરછ દરમ્યાન એક ચોંકવનારી વાત સામે આવી છે. પોલીસે જણાવ્યું હતું કે પકડાયેલા ત્રણ આરોપીઓ પૈકી આરોપી ધીરજ રવિન્દ્રભાઇ ઝોપે એર ઇન્ડિયામાં એન્જીનીયર છે. જયારે અન્ય બે આરોપીઓ લોકલ મોબાઈલ ચોર છે. તેઓ ભીડવાળા વિસ્તારોમાંથી તથા બીઆરટીએસ બસોમાં પેસેન્જરોના મોબાઈલની ચોરી કરતા હતા અને ચોરી કરેલા મોબાઈલ ફોન આરોપી ધીરજ ઝોપેને વેચાણ કરતા હતા. આરોપી ધીરજ ચોરી કરેલા મોબાઈલ તેમની પાસેથી ખરીદ્યા બાદ મોબાઈલના મધર બોર્ડ્સ સહિતના પાર્ટ્સ કાઢી લેતો હતો અને તે પાર્ટ્સ વેચતો હતો.પકડાય નહી જાયે તે માટે મોબાઈલના પાર્ટ્સ હતી અને આવું તે પૈસા કમાવવા માટે કરી રહ્યો હતો.અને છેલ્લા દોઢ- બે વર્ષથી કરતો હતો.

---------------

હિન્દુસ્થાન સમાચાર / યજુવેન્દ્ર દુબે