નવી દિલ્હી, 15 ઓક્ટોબર (હિ.સ): શ્રીલંકાના પ્રધાનમંત્રી ડૉ. હરિણી અમરસૂર્યા, ગુરુવારે ત્રણ દિવસના ભારત પ્રવાસે આવી રહ્યા છે. વિદેશ મંત્રાલયના જણાવ્યા અનુસાર, તેઓ 16-18 ઓક્ટોબર દરમિયાન ભારતની મુલાકાત લેશે. પ્રધાનમંત્રી તરીકે આ તેમનો પહેલો ભારત પ્રવાસ હશે. શ્રીલંકાના પ્રધાનમંત્રી પરસ્પર હિતના દ્વિપક્ષીય મુદ્દાઓ પર ચર્ચા કરવા માટે ભારતીય રાજકીય નેતાઓ સાથે મુલાકાત કરશે.

આ મુલાકાત દરમિયાન, શ્રીલંકાના પ્રધાનમંત્રી દિલ્હીમાં એનડીટીવી અને ચિંતન રિસર્ચ ફાઉન્ડેશન દ્વારા આયોજિત એનડીટીવી વિશ્વ શિખર સંમેલન માં મુખ્ય વક્તવ્ય આપશે. ડૉ. હરિણી અમરસૂર્યા, શિક્ષણ અને ટેકનોલોજી ક્ષેત્રે સહયોગના માર્ગો શોધવા માટે ઇન્ડિયન ઇન્સ્ટિટ્યૂટ ઑફ ટેક્નોલોજી (આઈઆઈટી) દિલ્હી તેમજ નીતિ આયોગની પણ મુલાકાત લેશે. શ્રીલંકાના પ્રધાનમંત્રી દિલ્હી યુનિવર્સિટીની હિન્દુ કોલેજ ખાતે એક પ્રતિષ્ઠિત ભૂતપૂર્વ વિદ્યાર્થી સંગઠન કાર્યક્રમમાં હાજરી આપશે. તે દેશો વચ્ચે વ્યાપારી સંબંધોને મજબૂત બનાવવા માટે એક વ્યાપારી કાર્યક્રમમાં પણ ભાગ લેશે.

વિદેશ મંત્રાલયે જણાવ્યું હતું કે, આ મુલાકાત ભારત અને શ્રીલંકા વચ્ચે નિયમિત ઉચ્ચ સ્તરીય આદાનપ્રદાનની પરંપરાને અનુરૂપ છે, જે ઊંડા અને બહુપક્ષીય દ્વિપક્ષીય સંબંધોને આગળ ધપાવે છે. તે ભારતના 'મહાસાગર' વિઝન અને તેની 'પડોશી પ્રથમ' નીતિ દ્વારા મજબૂત બનેલી મિત્રતાના બંધનને વધુ મજબૂત બનાવશે.

હિન્દુસ્થાન સમાચાર / સચિન બુધૌલિયા / પવન કુમાર

હિન્દુસ્થાન સમાચાર / ડો.હિતેશ એન.વ્યાસ