નવી દિલ્હી, 16 ઓક્ટોબર (હિ.સ.) કેન્દ્રીય મહિલા અને બાળ વિકાસ મંત્રાલય

દ્વારા શરૂ કરાયેલ રાષ્ટ્રીય પોષણ મહિનાનો સમાપન સમારોહ, શુક્રવારે દહેરાદૂનમાં

યોજાશે. મંત્રાલયે ગુરુવારે એક નિવેદનમાં આ જાહેરાત કરી. મંત્રાલય અનુસાર, “મહિલા અને બાળ

વિકાસ રાજ્યમંત્રી સાવિત્રી ઠાકુર, ઉત્તરાખંડના મહિલા સશક્તિકરણ અને બાળ વિકાસ મંત્રી રેખા

આર્ય અને ઉત્તરાખંડના ગ્રામીણ વિકાસ મંત્રી ગણેશ જોશી, સમારોહમાં મુખ્ય અતિથિ તરીકે

હાજર રહેશે.”

આ સમારોહમાં સમુદાયના પ્રયાસો, પ્રાદેશિક પહેલ

અને પોષણ સંબંધિત પ્રવૃત્તિઓ દર્શાવવામાં આવશે. પોષણ અને મિશન શક્તિ ચેમ્પિયનનું

સન્માન કરવામાં આવશે. આ કાર્યક્રમ સામૂહિક કાર્યવાહીને પ્રોત્સાહન આપે છે અને સારી

રીતે પોષિત અને વિકસિત ભારત માટે જન આંદોલનને આગળ ધપાવે છે.

આ કાર્યક્રમ 17 સપ્ટેમ્બરના રોજ મધ્યપ્રદેશના ધારમાં શરૂ કરવામાં આવ્યો

હતો. આ કાર્યક્રમ, મિશન સક્ષમ આંગણવાડી અને પોષણ 2.0 હેઠળ દેશભરમાં પોષણ જાગૃતિ, સમુદાય ભાગીદારી

અને વર્તન પરિવર્તનને પ્રોત્સાહન આપવા માટે સમર્પિત એક મહિના સુધી ચાલનારા જન

આંદોલનના પરાકાષ્ઠાને ચિહ્નિત કરે છે. આ કાર્યક્રમમાં કેન્દ્રીય મહિલા અને બાળ

વિકાસ મંત્રાલય અને ઉત્તરાખંડ સરકારના વરિષ્ઠ અધિકારીઓ, રાજ્યભરના

આંગણવાડી કાર્યકરો અને સહાયકો ભાગ લેશે.

હિન્દુસ્થાન સમાચાર / વિજયાલક્ષ્મી / પવન કુમાર

હિન્દુસ્થાન સમાચાર / ડો.હિતેશ એન.વ્યાસ