અમરેલી, 10 નવેમ્બર (હિ.સ.) : લીલીયા તાલુકાના અંટાલીયા ગામ નજીક એક ગમખ્વાર માર્ગ અકસ્માત સર્જાતા એક મહિલાનું ઘટનાસ્થળે જ દુઃખદ મોત નીપજ્યું છે. “સલામત સવારી એસટી અમારી” જેવો સૂત્ર ધરાવતી રાજ્ય પરિવહન નિગમની બસની બેદરકારી એક પરિવાર પર દુઃખનો પહાડ તોડી ગઈ છે.
માહિતી મુજબ, લાઠીથી લીલીયા તરફ જઈ રહેલી ST બસે અંટાલીયા નજીક સામેમાંથી આવી રહેલી બાઇકને જોરદાર ટક્કર મારી હતી. ટક્કર એટલી ભયાનક હતી કે બાઇક પર સવાર દંપતી રસ્તા પર ફંગોળાઈ ગયું હતું. અકસ્માતમાં બાઇક પાછળ બેઠેલી મહિલાનું ઘટનાસ્થળે જ કમકમાટીભર્યું મોત નીપજ્યું, જ્યારે બાઇક ચલાવતા પતિને ગંભીર ઈજાઓ થઈ છે અને તેમને તાત્કાલિક સારવાર માટે નજીકની હોસ્પિટલ ખસેડવામાં આવ્યા છે.
સ્થળ પર લોકોની ભીડ ઉમટી પડી હતી, અને ઘટનાની જાણ થતાં જ લીલીયા પોલીસ તુરંત ઘટનાસ્થળે દોડી પહોંચી હતી. પોલીસે મૃતદેહને કબજામાં લઈ પોસ્ટમોર્ટમ માટે મોકલી આપ્યો છે તથા અકસ્માતની તપાસ હાથ ધરી છે. પ્રાથમિક તારણ મુજબ ST બસની બેદરકારીને કારણે અકસ્માત સર્જાયો હોવાનું સામે આવ્યું છે.
સ્થાનિક લોકોએ જણાવ્યું કે આ માર્ગ પર ભારે વાહનોની અવરજવર વધવાથી આવા અકસ્માતો વારંવાર બને છે. તેમણે ટ્રાફિક નિયમન અને ઝડપ નિયંત્રણ માટે યોગ્ય પગલાં લેવાની માગણી પણ કરી છે.
આ દુર્ઘટનાએ સમગ્ર વિસ્તારમાં શોકની લાગણી છવાઈ ગઈ છે. પરિવારજનો પર દુઃખનો માઉન્ટન તૂટી પડ્યો છે, જ્યારે ગ્રામજનો અને સ્થાનિકોએ મૃત આત્માને શ્રદ્ધાંજલિ આપી અને સરકારને દોષિત સામે કડક પગલાં લેવાની માંગ ઉઠાવી છે.
---------------
હિન્દુસ્થાન સમાચાર / Gondaliya Abhishek Nandrambhai
