અમરેલી, 13 નવેમ્બર (હિ.સ.) : અમરેલી જિલ્લામાં પોલીસ દ્વારા દારૂ વિરોધી ચેકિંગ અભિયાન હાથ ધરવામાં આવ્યું હતું, જેમાં વિવિધ વિસ્તારોમાંથી કુલ ૧૧ પ્યાસી લોકોની ધરપકડ કરવામાં આવી છે. રાજ્યમાં દારૂ પ્રતિબંધ હોવા છતાં ગુપ્ત રીતે દારૂના સેવન અને વેચાણની ઘટનાઓ સતત સામે આવી રહી છે. પોલીસના અચાનક દરોડા બાદ આ વખતના પ્યાસીઓનો નશો તો પળવારમાં ઉતરી ગયો હતો.

માહિતી મુજબ, જાફરાબાદ શહેરમાં આવેલી દિવ્યા આઇસ ફેક્ટરીની બાજુમાં એક વ્યક્તિના ઘરમાંથી પોલીસને ચાર લીટર દેશી દારૂ મળી આવ્યો હતો. આ અંગે જાફરાબાદ પોલીસએ તાત્કાલિક કાર્યવાહી હાથ ધરી અને આરોપીને કાયદેસરની રીતે અટકાયત કરી હતી. દારૂના જથ્થાને કબજે લઈ વધુ તપાસ શરૂ કરવામાં આવી છે કે આ દારૂ ક્યાંથી લાવવામાં આવ્યો હતો અને કોણ તેની સપ્લાય ચેઇનમાં સંકળાયેલ છે.

આ સિવાય અમરેલી શહેર, ધારી, રાજુલા અને લાઠી વિસ્તારમાં પણ અલગ-અલગ જગ્યાએથી પ્યાસી વ્યક્તિઓ પકડાયા હતા. દરેક સ્થળે પોલીસ પેટ્રોલિંગ દરમિયાન જાહેર સ્થળે નશાની હાલતમાં ફરતા લોકો પર કાર્યવાહી કરવામાં આવી હતી. પોલીસે તમામ વિરુદ્ધ ગુજરાત પ્રોહિબિશન અધિનિયમ હેઠળ ગુનો નોંધ્યો છે.

જિલ્લા પોલીસ અધિકારીએ જણાવ્યું કે દારૂ પ્રતિબંધના કાયદાનો ભંગ કરનાર સામે શૂન્ય સહનશીલતા નીતિ અપનાવવામાં આવી છે. આવનારા દિવસોમાં આવા વધુ દરોડા ચાલુ રહેશે જેથી દારૂના ગેરકાયદેસર વેપાર અને સેવન પર નિયંત્રણ મેળવી શકાય.

આ કાર્યવાહી બાદ લોકલ વિસ્તારોમાં ચર્ચાનો માહોલ છવાઈ ગયો છે. સામાન્ય નાગરિકોએ પોલીસની તત્પરતા માટે પ્રશંસા વ્યક્ત કરી છે અને દારૂમુક્ત સમાજ માટે સતત પગલાં લેવાની માંગણી કરી છે.

---------------

હિન્દુસ્થાન સમાચાર / Gondaliya Abhishek Nandrambhai