અમદાવાદ,18 નવેમ્બર (હિ.સ.) ગુજરાત હાઈકોર્ટે ગુજરાત જાહેર સેવા આયોગ સમક્ષ એક મહત્વપૂર્ણ કાયદાકીય પ્રશ્ન મૂક્યો છે. હાઈકોર્ટે પૂછ્યું છે કે, શું કોઈ ઉમેદવારને મેરીટ લિસ્ટ માટે 'આર્થિક રીતે નબળા વર્ગ' માંથી 'સામાન્ય શ્રેણી' માં જવાની મંજૂરી આપી શકાય કે નહીં?હાઈકોર્ટે આ મુદ્દે ભરતી સંસ્થાનો જવાબ શુક્રવાર સુધી આપવા કહ્યું છે.

એક ઉમેદવાર દવારા ગુજરાત હાઈકોર્ટેમાં કરવામાં આવેલ એક અરજીને લઈને છે, જે ગુજરાત વહીવટી સેવા માટેની ક્લાસ-1 અને ક્લાસ-2ની જીપીએસસી પરીક્ષામાં EWS ઉમેદવાર તરીકે ઉપસ્થિત રહ્યાં હતાં.

ફેબ્રુઆરી, 2023માં જીપીએસસીએ તેમને અયોગ્ય જાહેર કર્યા હતા. કારણ કે, તેઓ EWS ઉમેદવાર તરીકે રાજ્ય સરકારની નોકરી માટે પરિવારની આવકનું પ્રમાણપત્ર નક્કી કરેલી સમયમર્યાદામાં આપી શક્યાં નહોતાં.

અરજદારે જીપીએસસીની પ્રિલિમ પરીક્ષામાં 213 ગુણ મેળવ્યા હતા, જ્યારે સામાન્ય શ્રેણીનું કટ-ઓફ 176 ગુણ હતું. તેમણે EWS શ્રેણીમાંથી પોતાની અયોગ્યતાને પડકાર આપી અને હાઈકોર્ટ સમક્ષ તેમને સામાન્ય શ્રેણીમાં ગણવા જીપીએસસીને નિર્દેશ આપવા માગ કરી છે. કોર્ટમાં રજૂઆત થઈ હતી કે, ઉમેદવારે કેન્દ્ર સરકારની નોકરી માટે જરૂરી આવક પ્રમાણપત્ર તો આપ્યું છે, પરંતુ રાજ્ય સરકારની નોકરી માટે માતા-પિતાની ડોમીસાઇલ સાથેની વિગતો આપવી ફરજિયાત છે, જે તેઓ આપી શક્યાં નહોતાં.

હિન્દુસ્થાન સમાચાર / હર્ષ શાહ