પોરબંદર, 19 નવેમ્બર (હિ.સ.) પોરબંદર નજીકના બાપોદર ગામના વાડી વિસ્તારમાં રહેતી એક મહિલાને પ્રસુતિની પીડા ઉપડતા બાપોદર 108 ની ટીમે તેને એમ્બ્યુલન્સમાં પ્રસુતિ કરાવી હતી.આધુનિક જીવનશૈલી ફાસ્ટયુગમાં તમામ સુવિધાઓ આંગળીનાં ટેરવા પર ઉપલબ્ધ થતી હોય છે.જેમાની એક સેવા 108 ને માનવામાં આવે છે.108 ની ટીમ દ્વારા ગમે તે સમયે કોઈપણ સારવાર માટે પહોંચી જાય છે અને તાત્કાલિક સારવાર પુરી પાડે છે. એક પ્રસુતાને બાપોદર ગામના વાડી વિસ્તારમાં રહેતા મજુરને બીજી ડિલિવરી જોખમી પ્રસુતિની પીડા ઉપડતા 108 માં ના ઈ.એમ.ટી.પાયલ કાથડ અને પાયલોટ હરીશ ગોસીયાએ હેડ ઓફિસ પર રહેલા ફીઝીશ્યન ડો.શાલુના માર્ગદર્શન હેઠળ અને પોતાની આવડત અને મળેલ તાલીમની મદદથી અને સમય સુચકતા ધ્યાનમાં રાખી આ મહિલાને ખુબ વધુ પીડા ઉપડી હોવાથી એમ્બ્યુલન્સમાં જ ડીલેવરી કરાવી હતી અને દીકરીનો જન્મ થયો હતો. એમ્બ્યુલન્સમાં પ્રથામિક સારવાર આપ્યા બાદ સરકારી એમ.આર. લેડી હોસ્પિટલ વધુ સારવાર માટે સિફ્ટ કર્યા હતા. 108 ની સેવા એ આધુનિક સમયમાં મહત્વની સાબિત થઇ રહી છે દીકરીનો જન્મ થતા ઈ.એમ.ટી. પાયલ કાથડ, પાઈલોટ હરીશ ગોસીયા અને બાપોદર 108 ટીમને બિરદાવ્યા હતા આ તકે જિલ્લાના પ્રોગ્રામ મેનેજર આકાશ અને જિલ્લાના એક્ઝિક્યુટિવ જયેશગીરી મેઘનાથી દ્વારા અભિનંદન પાઠવવામાં આવ્યા હતા.

હિન્દુસ્થાન સમાચાર / Tejas Pravinbhai Dholariya