વલસાડ, 7 નવેમ્બર (હિ.સ.) વલસાડ જિલ્લાના SOG દળે કુંડી ગામ વિસ્તારમાં આવેલી એક બિનઅધિકૃત રસાયણિક યુનિટ પર મધરાતે કાર્યવાહી હાથ ધરી હતી. સર્ચ ઓપરેશન દરમિયાન ટીમને ત્યાંથી ડેનેટોનિયમ બેનઝોએટ (Denatonium Benzoate)નું ઉત્પાદન અને તેનો રો મટીરીયલ મળી આવ્યો. આ પદાર્થ વિશ્વમાં સૌથી વધુ કડવાશ ધરાવતું રસાયણ માનવામાં આવે છે અને સામાન્ય રીતે જોખમી કે ઝેરી પદાર્થોમાં “બિટરન્ટ” તરીકે ઉમેરવામાં આવે છે, જેથી મનુષ્ય કે પ્રાણી ભૂલથી તેનો સેવન ન કરે.

યુનિટ ચલાવવા માટે સંચાલક દ્વારા કોઈ કાનૂની પરવાનગી લેવામાં આવી ન હોવાનું સામે આવ્યું છે. પોલીસએ કંપની સંચાલક સહિત ચાર લોકોને કસ્ટડીમાં લઇને પૂરક પૂછપરછ શરૂ કરી છે. સ્થળ પરથી જ્યારે રો મટીરીયલ સીલ કરી જપ્ત કરવામાં આવ્યો, ત્યારે તેના નમૂનાઓ FSL અને DFS લેબ માટે મોકલવામાં આવ્યા. રિપોર્ટ પછી કાયદેસર પગલાં વધુ મજબૂત બનશે.

સૂત્રોના કહેવા મુજબ તપાસ હવે બે મુખ્ય દિશામાં આગળ વધી રહી છે. આ રસાયણ માટે જરૂરી કાચો માલ ક્યાંથી મેળવાતો હતો અને તૈયાર થતું કેમિકલ કયા ચેનલ મારફતે સપ્લાય થતું હતું. આ રેડ સાથે જિલ્લામાં ગેરકાયદેસર કેમિકલ અને માદક પદાર્થના ઉત્પાદન પર સુરક્ષા વિભાગે મહત્વપૂર્ણ ઝાટકો માર્યો છે.

હિન્દુસ્થાન સમાચાર / યજુવેન્દ્ર દુબે